mahayuti : लाडक्या बहिणींना २१०० रुपये, शेतकऱ्यांना कर्जमाफी अन् वृद्धांना पेन्शन, महायुतीचा दहासूत्री जाहीरनामा

कोल्हापुरातून उद्धव ठाकरेंनी विधानसभेचं रणशिंग फुंकले; मुलांना शिक्षण ते सुरतमध्ये शिवरायांचे मंदिर, ५ मोठी आश्वासने

कोल्हापुरातील जाहीर सभेच्या माध्यमातून एकनाथ शिंदे यांनी १० वचनांची घोषणा केली आहे. त्यामध्ये सत्ता पुन्हा आल्यास लाडकी बहीण योजनेच्या पैशात वाढ करणार असल्याचे शिंदे यांनी म्हटले. राज्यातील पोलीस दलात २५ हजार महिलांची भरती केली जाईल. शेतकऱ्यांना कर्जमाफी दिली जाईल. शेतकरी सन्नान योजनेच्या रक्कमेतही वाढ केली जाईल. सध्या १२ हजार दिले जातात, ते १५ हजार रुपये करण्यात येईल असे शिंदे यांनी सांगितले.

सतेज पाटलांच्या नाराजीनंतर शाहू महाराज खासदारकीचा राजीनामा देणार? छत्रपतींनी निवेदन प्रसिद्ध करत केला खुलासा

 मुख्यमंत्री एकनाथ शिंदेंच्या १० मोठ्या घोषणा -

1. मुख्यमंत्री माझी लाडकी बहीण योजनेअंतर्गत पात्र महिलांना दर महिन्याला १५०० रुपयांवरून २१०० रुपये दिले जाणार. राज्यातील पोलीस दलात २५ हजार महिलांची भरती केली जाणार.
2. शेतकऱ्यांना कर्जमाफी आणि शेतकरी सन्मान योजनेतून वर्षाला १२ हजारावरून १५ हजार रुपये मिळणार. एमएसपीवर २० टक्के अनुदान दिले जाणार.
3. प्रत्येक गरिबाला अन्न आणि निवारा दिला जाणार.
4. वृद्ध पेन्शन धारकांना १५०० वरून २१०० रुपये मिळणार.
5. राज्यातील जीवनावश्यक वस्तूंच्या किंमती स्थिर ठेवल्या जाणार.
6. २५ लाख रोजगार निमिर्ती, तसेच १० लाख विद्यार्थ्यांना १० हजार रुपये विद्यावेतन मिळणार.
7. राज्यातील ग्रामीण भागात ४५,००० गावांत पाणंद रस्ते बांधले जाणार. 
8. अंगणवाडी आणि आशा सेविकांचे मानधन वाढवून १५ हजार रुपये वेतन करणार.
9. वीज बिलात ३० टक्के कपात करुन सौर आणि अक्षय ऊर्जेवर भर दिला जाणार.
10. सरकार स्थापनेनंतर १०० दिवसांच्या आत ‘व्हिजन महाराष्ट्र@2029 ‘सादर केले जाणार.