राज'पुत्र' अमित ठाकरे पहिल्यांदाच निवडणुकीच्या मैदानात, मनसेची ४५ उमेदवारांची दुसरी यादी जाहीर
MNS Candidate List : मनसे अध्यक्ष राज ठाकरेंनी आज ४५ उमेदवारांची दुसरी उमेदवार यादी जाहीर केली आहे. राज ठाकरे यांचे पुत्र अमित ठाकरे पहिल्यांदाच निवडणुकीच्या रिंगणात उतरत आहेत.
Maharashtra Vidhan Sabha Elections 2024 : मनसे अध्यक्ष राज ठाकरेंनी आज ४५ उमेदवारांची दुसरी उमेदवार यादी जाहीर केली आहे. राज ठाकरे यांचे पुत्र अमित ठाकरे पहिल्यांदाच निवडणुकीच्या रिंगणात उतरत असून त्यांना माहिम मतदारसंघातून उमेदवारी देण्यात आली आहे. त्याचबरोबर राज ठाकरेंनी पुतण्या आदित्य ठाकरेंविरोधात वरळी मतदारसंघात संदीप देशपांडे यांनी तिकीट दिले आहे. दिवंगत रमेश वांजळे यांचा मुलगा मयुरेश रमेश वांजळे यांना खडकवासलामधून तिकीट देण्यात आले आहे.
मनसेच्या पहिल्या यादीत ७ उमेदवारांची नावे राज ठाकरेंनी आपल्या महाराष्ट्र दौऱ्यात जाहीर केली होती. त्यानंतर, कल्याणमध्ये एका कार्यक्रमात बोलताना ठाणे व कल्याण ग्रामीणमधील २ उमेदवारांच्या नावांची घोषणा केली होती. त्यानंतर, राज ठाकरेंनी सांगितल्याप्रमाणे मनसेच्या ४५ उमेदवारांची दुसरी यादी जाहीर करण्यात आली आहे. त्यामध्ये,अमित ठाकरेंना मुंबईतील माहिम मतदारसंघातून तर संदीप देशपांडे यांना वरळी मतदारसंघातून आणि बेलापूरमधून गजानन काळे यांना उमेदवारी देण्यात आली आहे.
महाराष्ट्र विधानसभा निवडणुकीच्या घोषणेनंतर आजपासून (२२ ऑक्टोबर) राज्यात उमेदवारी अर्ज भरण्यास सुरूवात झाली आहे. महाविकास आघाडीचे जागावाटपाचे गुऱ्हाळ सुरू असतानाच भाजपाने पुढाकार घेत ९९ जणांची पहिली यादी जाहीर केली. या निवडणुकीत महायुतीविरुद्ध महाविकास आघाडी अशी थेट लढत होणार आहे. मात्र त्यातच प्रकाश आंबेडकरांच्या वंचित आघाडीनंतर राज ठाकरेंच्या मनसेने स्वबळावर निवडणूक लढवण्याचं जाहीर केले होते. आज मनसेने ४५ उमेदवारांची दुसरी यादी जाहीर केली आहे. विशेष म्हणजे अमित ठाकरेहेदेखील निवडणुकीच्या रिंगणात उतरले आहेत.
मनसेच्या पहिल्या उमेदवार यादीत मुंबई, पुणे, ठाणे आणि नाशिक जिल्ह्यातील उमेदवारांच्या नावांचा समावेश आहे. यापूर्वी राज ठाकरेंनी ९ उमेदवारांची नावे जाहीर केली आहेत.
मनसेच्या दुसऱ्या यादीत कोणाला संधी?
राजू पाटील (कल्याण ग्रामीण), अमित राज ठाकरे (माहिम), शिरीष सावंत (भांडूप पश्चिम)
संदीप देशपांडे (वरळी), अविनाश जाधव (ठाणे शहर), संगीता चेंदवणकर (मुरबाड), किशोर शिंदे (कोथरुड), साईनाथ बाबर (हडपसर), मयुरेश रमेश वांजळे (खडकवासला), नयन कदम (मागाठणे), कुणाल माईणकर (बोरिवली), राजेश येरुणकर (दहिसर), भास्कर परब (दिंडोशी)
संदेश देसाई (वर्सोवा) महेश फरकासे (कांदिवली पूर्व), विरेंद्र जाधव (गोरेगाव), दिनेश साळवी (चारकोप), भालचंद्र अंबुरे (जोगेश्वरी पूर्व), विश्वजित ढोलम (विक्रोळी), गणेश चुक्कल (घाटकोपर पश्चिम), संदीप कुलथे (घाटकोपर पूर्व), माऊली थोरवे (चेंबूर), महेंद्र भानुशाली (चांदिवली), जगदीश खांडेकर (मानखुर्द शिवाजीनगर), निलेश बाणखेले (ऐरोली), गजानन काळे (बेलापूर), सुशांत सूर्यराव (मुंब्रा कळवा),
विनोद मोरे (नालासोपारा), मनोज गुळवी (भिवंडी पश्चिम), संदीप राणे (मीरा भाईंदर), हरिश्चंद्र खांडवी (शहापूर), प्रमोद गांधी (गुहागर), रविंद्र कोठारी (कर्जत जामखेड), कैलास दरेकर (आष्टी), मयुरी बाळासाहेब म्हस्के (गेवराई), शिवकुमार नागराळे (औसा), अनुज पाटील (जळगाव शहर),
प्रवीण सूर (वरोरा), महादेव कोनगुरे (सोलापूर दक्षिण), रोहन निर्मळ (कागल), वैभव कुलकर्णी
(तासगाव कवठे महांकाळ), संजय शेळके (श्रीगोंदा), विजयराम किनकर (हिंगणा), आदित्य दुरुगकर (नागपूर दक्षिण), परशुराम इंगळे (सोलापूर शहर उत्तर मतदारसंघ)
संबंधित बातम्या