Viral Video : अगा एकनाथ मामा, सोयाबीन बत्तीश्श्यानं गेली रे, पाह्य रे बापू… सोयाबीन उत्पादक शेतकऱ्याची व्यथा व्हायरल

सोयाबीनच्या हमीभावाचे काय झाले?

राज्य सरकारने सोयाबीनसाठी प्रती क्विंटल ४,८९२ रुपये इतका हमीभाव आधीच जाहीर केला आहे. परंतु सध्या बाजारात नवीन सोयाबीनला केवळ प्रती क्विंटल ३२०० रुपये एवढाच भाव मिळतो आहे. दिवाळीपूर्वी नाईलाज म्हणून शेतकऱ्यांना घरात आलेला सोयाबीन कमी दरात विकावा लागत असल्याने शेतकऱ्यांमध्ये प्रचंड नाराजीची भावना दिसून येत आहे. अनेक जिल्ह्यामध्ये सरकारी खरेदी केंद्र सुरू न झाल्याने बहुतांश शेतकरी हा सोयाबीनची खुल्या बाजारातच विक्री करताना दिसत आहे.

हे वाचाः कापूस व सोयाबीन उत्पादक शेतकऱ्यांना प्रति हेक्टरी ५ हजार रुपये अनुदान

दरम्यान, यंदा महाराष्ट्रात १३ लाख टन सोयाबीन प्रती क्विंटल ४८९२ रुपये हमीभाव देऊन शेतकऱ्यांकडून खरेदी केला जाईल अशी घोषणा राज्य सरकारने केली होती. राज्यात ९० दिवस हमीभाव केंद्रे सुरू राहतील असे सरकारतर्फे जाहीर करण्यात आले होते. हमीभावाने सोयाबीन खरेदीसाठी सरकारकडून ४७८ खरेदी केंद्रे सुरू करण्यासाठी परवानगी दिली होती. त्यापैकी ३७१ सरकारी खरेदी केंद्रे सुरू करण्यात आली आहे. मात्र सोयाबीन खरेदी करताना त्यात किमान १२ टक्केच ओलावा असावा अशी अट सरकारी खरेदी केंद्राकडून घालण्यात आली आहे. सध्या नव्या सोयाबीनमध्ये १८-२० टक्क्यापर्यंत ओलावा दिसून येत आहे. नेमक्या या अटीमुळे शेतातून काढण्यात आलेला ताजा, नवीन सोयाबीन शेतकरी सरकारी खरेदी केंद्रात विक्रीसाठी न नेता खुल्या भावात विकतोय. तेथे त्याला कवडीमोल दर मिळतोय. ओलाव्याच्या अटीमुळे आतापर्यंत ४,७७० क्विंटल सोयाबीन सरकारी खरेदी केंद्रांकडून हमीभावाने खरेदी करण्यात आल्याची माहिती पणन विभागाकडून देण्यात आली आहे.

हे वाचा - दसऱ्यानंतरही सोयाबीनचे दर पडलेलेच; शेतकरी वर्ग चिंतातूर

हे वाचाः सोयाबीनच्या शेंगा खाल्यानं अख्खं कुटुंब रुग्णालयात दाखल