Amravati News : बळवंत वानखडे यांनी कुलूप तोडून घेतला कार्यालयाचा ताबा, यशोमती ठाकूर चंद्रकांत पाटलांशी भिडल्या, Video

अमरावतीचे पालकमंत्री चंद्रकांत पाटील (Chandrakant Patil) यांच्यासमोरच हा सर्व प्रकार घडला. जिल्हाधिकारी कार्यालयातील खासदारांचे शासकीय कार्यालयाचा ताबा खासदार बळवंत वानखडे यांना देत नसल्याचा आरोप करत खासदार बळवंत वानखडे व यशोमती ठाकूर चांगलेच आक्रमक झाल्याचे पाहायला मिळाले.

आमदार यशोमती ठाकूर म्हणाल्या की, आम्ही संयम पाळणारे लोक आहोत. मात्र इथले पालकमंत्री, जिल्हाधिकारी प्रशासन काहीच ऐकायला तयार नाही. जिल्हाधिकाऱ्यांवर दबाव आहे. आज अमरावती जिल्हाधिकारी कार्यालयातील खासदारांचे शासकीय कार्यालयाचा ताबा खासदार बळवंत वानखडे यांना देत नसल्याने खासदार बळवंत वानखडे, मी आणि असंख्य काँग्रेस कार्यकर्त्यांनी आक्रमक होऊन व कार्यालयाचे कुलूप तोडूनआत प्रवेश केला. यावेळी अमरावती जिल्ह्याच्या जिल्हाधिकारी कार्यालयात आंदोलन करण्यात आले.

OBC Protest : ओबीसी आंदोलन पेटलं; बीडमध्ये आंदोलनकर्ते रस्त्यावर उतरले, अनेक ठिकाणी जाळपोळ अन् रास्ता रोको

पालकमंत्री चंद्रकांत पाटील हे अमरावती दौऱ्यावर असल्यामुळे जिल्हाधिकारी कार्यालयात उपस्थित होते. या आधीचे सर्व खासदार हे कार्यालय वापरत होते. परंतु बळवंतभाऊ निवडून आल्यानंतर अनेकदा पत्रव्यवहार करुन देखील कार्यालयाचा ताबा देण्यात आला नाही.भाजपा सरकारची केवळ दादागिरी सुरु असून निवडणूक निकालानंतर प्रमाणपत्र द्यायला तीन तासांचा वेळ लावला हे सर्वश्रृत आहेच.

Laxman Hake : मोठी बातमी! १० दिवसानंतर लक्ष्मण हाकेंचे उपोषण स्थगित; छगन भुजबळ यांची चर्चा यशस्वी

भाजपची ही दादागिरी आहे. ही आम्ही सहन करू शकत नाही. लोकशाहीच्या मार्गाने आम्ही निवडून आलो आहोत. आमच्या खासदाराचा देखील मान सन्मान झाला पाहिजे. आमच्या मतदारसंघात देखील लोकच राहतात. डीपीडीसीचा फंड हा टक्केवारी घेऊन वाटप केला जातो, असा आरोप करत या दडपशाही विरोधात आम्ही आवाज उचलला आणि आज खासदार कार्यालय ताब्यात घेतले, असेही त्या म्हणाल्या.

मागच्या वेळी खासदार निवडून आल्यानंतर लगेच दुसऱ्या दिवशी खासदाराची पाटी लागली होती मात्र आज एवढे दिवस झाले पण अजूनही कार्यालयाचा ताबा दिलेला नाही ही दादागिरी आम्ही सहन करणार नाही. गुन्हे दाखल करायचे तर करु दे पण कार्यालयाचा ताबा आम्ही घेणार म्हणजे घेणारच.