Ladki Bahin Yojana : …तर तुमच्या खात्यातून १५०० रुपये परत घेणार; सत्ताधारी आमदाराचं लाडक्या बहिणींना धक्का देणारं विधान

अमरावतीत आज आमदार रवी राणा यांच्या उपस्थितीत मुख्यमंत्री माझी लाडकी बहीण योजनेचा प्रमानपत्र वितरण सोहळा पार पडला. या कार्यक्रमासाठी जिल्ह्यातील हजारो महिला उपस्थित होत्या. या कार्यक्रमात महिलांना संबोधित करताना आमदार रवी राणा यांनी एक धक्कादायक वक्तव्य केलं आहे. आमचं सरकार आल्यावर लाडकी बहीण योजनेचे १५०० रुपयांवरून३हजार रुपये करू. आता त्यासाठी मला तुमचा आशीर्वाद हवा आहे. जे मला आशीर्वाद देणार नाही,मी तुमचा भाऊ असून १५०० रुपये तुमच्या खात्यातूनपरत घेणार,असं धक्कादायक विधान आमदार रवी राणा यांनी केलं आहे. ज्याचं खाल्लं त्याला जागलं पाहिजे. सरकार देत राहते. पण सरकारला आशीर्वादही दिला पाहिजे,असंही रवी राणा म्हणाले.

हे ही वाचा -ठरलं! बारामतीमध्ये अजित पवार विरुद्ध युगेंद्र पवार; जयंत पाटील यांनी दिले स्पष्ट संकेत

..तर जिल्हाधिकाऱ्यांनी पात्र लाभार्थी महिलांची यादी शासनाकडे पाठवावी –

राज्यातील महिलांच्या आर्थिक स्वातंत्र्यासाठी त्यांच्या आरोग्य आणि पोषणात सुधारणा करण्यासाठी तसेच कुटुंबातील त्यांची निर्णायक भूमिका मजबूत करण्यासाठी ‘मुख्यमंत्री माझी लाडकी बहीण’ योजना सुरू करण्यात आली आहे. या योजनेची प्रभावी अंमलबजावणी सुलभतेने होण्यासाठी ज्या जिल्ह्यात विधानसभा क्षेत्र विकास समिती गठीत झाली नाही किंवा विधानसभा क्षेत्र समितीकडून पात्र लाभार्थ्यांची यादी अंतिम झाली नाही अशा जिल्ह्याची यादी जिल्हाधिकारी यांनी पुढील कार्यवाहीसाठी शासनाकडे पाठवावी.

यासाठी विधानसभा क्षेत्र समितीची मान्यता घ्यावी. जर समितीची मान्यता घेण्यास समस्या असतील,तर जिल्ह्यांचे पालकमंत्री यांची मान्यता घ्यावी, अशा सूचना जिल्हाधिकाऱ्यांना देण्यात आल्या आहेत. ‘मुख्यमंत्री माझी लाडकी बहीण’ योजनेच्या अंमबजावणी संदर्भात हा शासन निर्णय जारी करण्यात आला आहे.