पक्षविरोधी कारवाया केल्याचा ठपका, अखेर चार महिन्यानंतर ‘या’ आमदाराचे काँग्रेसमधून सहा वर्षांसाठी निलंबन

सुलभा खोडके उद्या (रविवारी) अजित पवार यांच्या राष्ट्रवादी काँग्रेस पक्षात प्रवेश करणार असल्याचे बोलले जात आहे. उपमुख्यमंत्री अजित पवार रविवारी अमरावती दौऱ्यावर असून त्यांच्या उपस्थितीत उद्याच खोडके यांचा प्रवेश होणार असल्याची माहिती समोर आली आहे, त्याआधीच काँग्रेसने त्यांच्यावर निलंबनाची कारवाई केली आहे. दरम्यान खोडके अमरावतीमधून अजित पवार गटातून विधानसभा निवडणूक लढवण्याची शक्यता वर्तवली जात आहे.  

ओटीटीवर जे काही दाखवलं जातं, ते जाहीर सांगावसंही वाटत नाही! काय म्हणाले सरसंघचालक मोहन भागवत?

मागील काही काळापासून सुलभा खोडके राष्ट्रवादी काँग्रेस अजित पवार गटाच्या संपर्कात असल्याची चर्चा होती. चार महिन्यापूर्वी झालेल्या विधान परिषदेच्या निवडणुकीत क्रॉस व्होटिंग करणाऱ्या काँग्रेसच्या आमदारांमध्ये सुलभा खोडके यांचाही समावेश असल्याचा दावा केला जात होता. त्यातच नुकतीच त्यांनी अमरावतीमध्ये जोरदार बॅनरबाजीही केली होती. त्यानंतर आता सुलभा खोडके यांच्यावर पक्षाने कारवाई केली आहे.

वचपा काढण्याची वेळ आलीय! शमीच्या झाडावरची शस्त्रे उतरवा; राज ठाकरे यांचं मराठीजनांना आवाहन

काही महिन्याआधी पार पडलेल्या राज्यसभा, त्यानंतर विधान परिषद निवडणुकीत काही काँग्रेस आमदारांनी 'क्रॉस व्होटिंग' करत विरोधकांना मदत केल्याचा ठपका ठेवण्यात आला होता. त्यामध्ये सुलभा खोडके यांचे देखील नाव होते. काँग्रेसच्या ज्या पाच आमदारांनी क्रॉस व्होटिंग केल्याचा आरोप होता, त्यांना आगामी विधानसभेची उमेदवारी देण्यात येणार नसल्याचे जाहीर करण्यात आले होते. यामध्ये सुलभा खोडके यांचंही नाव असल्याने त्यांनी राष्ट्रवादीत प्रवेश करण्याचा निर्णय घेतला होता. 

राजकीय वातावरण ढवळून निघणार! दसऱ्याच्या मुहूर्तावर रंगभूमीवर धडकणार ‘५० खोके एकदम ओके’

लोकसभा निवडणुकीत काँग्रेसचे उमेदवार बळवंत वानखडे यांच्या प्रचारादरम्यान त्या कुठे दिसल्या नाहीत. त्यामुळे आमदार खोडके अजित पवार पक्षाच्या वाटेवर असल्याचे बोलले जात होते. आपल्या मतदारसंघाच्या विविध विकासकामांसाठी निधी, शासन स्तरावर प्रलंबित समस्या सोडविण्यासाठी सुलभा खोडके यांनी अजित पवारांची मदत घेतली आहे. राष्ट्रवादीत फूट पडून एक गट सत्तेत सहभागी झाल्यापासून खोडके यांची अजित पवार गटासोबत सलगी वाढल्याचे बोलले जात आहे.