MNS Protest in Pune: अमित ठाकरे यांचा पुणे विद्यापीठावर धडक मोर्चा; कार्यकर्त्यांना रोखल्याने मोठी वाहतूक कोंडी

MNS Protest in Pune: पुणे शहरातील विद्यार्थ्यांच्या विविध प्रश्नांसाठी मनसेचे विद्यार्थी सेनेचे अध्यक्ष अमित ठाकरे यांच्या नेतृत्त्वाखाली सेनापती बापट रोड ते सावित्रीबाई फुले पुणे विद्यापीठावर मूक मोर्चा काढण्यात आला आहे. या मोर्चामध्ये शहरातील विविध भागांतील विद्यार्थी आणि मनसैनिक हजारोंच्या संख्येने सहभागी झाले आहेत. मात्र, या मोर्चाला पोलिसांनी प्रवेशद्वारावरच रोखून धरले. फक्त शिष्टमंडळाला आत जवून कुलगुरू सुरेश गोसावी आणि विद्यापीठ प्रशासनाची भेट घेण्याची मंजूरी पोलिसांनी दिली आहे. दरम्यान, पोलिसांनी मोठ्या प्रमाणात या ठिकाणी बंदोबस्त तैनात केला आहे. आधीच या चौकात मोठ्या प्रमाणात वाहतूक कोंडी असते. या मोर्चामुळे त्यात आणखी भर पाडली आहे.