UBT Press Conference : शिवसेनेबाबत राहुल नार्वेकरांचे निर्णय कसे चुकले? ॲड सरोदेंकडून सविस्तर स्पष्टीकरण

जर कोणाला राजकीय पक्ष सोडायचा असेल तर ते पक्ष सोडू शकतात, पण त्या आधारे ते अपात्र ठरतात. पक्षाच्या व्हिपचे त्यांना पालन करावे लागते. नसेल तर ते आमदार, खासदार अपात्र ठरू शकतो. मात्र कायद्याच्या दृष्टीकोनातून एकूण संख्येच्या दोन तृतियांश आमदार फुटले तर त्यांना पक्षांतर बंदी लागू होत नाही. 

एकनाथ शिंदे गेले त्यावेळी त्यांच्यासोबत फक्त १६ आमदार होते. नंतर त्यांनी तिथे अनेकांना आमंत्रित केलं व अमिषे दाखवून त्यांच्यावर दबाव टाकला, त्यांची फाईल तयार होती, त्यांना भीती दाखवली आणि काहीजण सुरतला जाऊन त्यांना मिळाले काहीजण गुवाहाटीला जाऊन मिळाले. नंतर ते मुंबईला आले आणि मुंबईत काही जण त्यांना जाऊन मिळाले. अशा पद्धतीने त्यांच्याकडे ३८ ते ४० आमदारांचे पाठबळ झाले आहे. 

असीम सरोदे यांच्या भाषणातील महत्वाचे मुद्दे - 

• नार्वेकरांचा निकाल सर्वोच्च न्यायालयाचा अपमान आहे. १० व्या परिशिष्ठाचे प्रकरण सर्वोच्च न्यायालयाचे ५ न्यायाधीशांचे घटनापीठ बसते. परंतु हा पक्षांतर्गत वाद म्हणून नार्वेकर यांनी निकाल दिला. 
• विधानसभा अध्यक्ष असाच निर्णय देणार असं लोक म्हणत होते. असाच निकाल येणार याची जनतेला जाणीव होती. ही परिस्थिती लोकशाहीसाठी चांगली नाही.
• महाराष्ट्रातल्या जनतेला माहिती होत मी बाहेर जायचं तेव्हा सांगितलं जायचं की तुम्ही कितीही पुरावे द्या उद्धव साहेबांवर अन्याय होणार
• या निकालाने संविधानाच्या चिंधड्या उडवल्या आहेत. यामुळे वाईट प्रवृत्तीचं राजकारणात सरशी होताना दिसत आहे.
• ज्यांचं डोकं ठिकाणावर आहे त्यांना या परिस्थितीमुळे मानसिक त्रास होऊ शकतो.
• कोणी जर व्हीपचं पालन न करता बैठकीला अनुपस्थित राहिल्यास त्यांच्यावर कारवाई होऊ शकते. 
• एकनाथ शिंदे आणि पळून गेलेले आमदार कोणत्याही पक्षात विलिन झालेले नाहीत ते कायम सांगतात आम्ही शिवसेना आहोत. त्यामुळे ते अपात्र ठरतात.
• एकनाथ शिंदेसह गेलेले दोन तृतीयांश संख्येने गेले मात्र पहिल्यांदा ते १६ जण बाहेर गेले. 
• अध्यक्ष पद मिळाल्यावर राजकीय पक्षाच्या सदस्यत्वाचा राजीनामा द्यावे लागतो.  मात्र नार्वेकरांनी अद्याप तो दिलेला नाही.
• कोणताच कायदा असं म्हणत नाही की कायद्याचा वाटेल तो अर्थ काढा.
• जसा कायदा सांगितलं आहे तसाच कायदा त्याचा काही अर्थ काढायचा नाही पण त्यातूनच काही कळत नसेल तर कायदा आणि त्याचा उद्देश काय ते समजून घ्यायचा.