अभिषेक घोसाळकर हत्या प्रकरणाचा तपास CBI कडे; तपासातील त्रुटींवरून हायकोर्टानं मुंबई पोलिसांना झापलं!

मुंबई पोलिसांनी तपासात केलेल्या त्रुटी या दखलपात्र असल्याचे म्हणत कोर्टाने घोसाळकर हत्या प्रकरणाचा तपास सीबीआयने करण्याचे निर्देश दिले आहेत. अभिषेक घोसाळकर यांच्या हत्येचा तपास मुंबई पोलिसांनी गुन्हे शाखेकडे वर्ग केला होता.मात्र पोलिसांवर राजकीय दबाव असून तपास योग्य पद्धतीने होत नसल्याचा आरोप करत घोसाळकर कुटुंबियांनी उच्च न्यायालयात याचिका दाखल केली होती. यावर कोर्टाने निर्णय देत आता हे प्रकरण सीबीआयकडे सोपवलं आहे.

Maharashtra Politics : मुलीला नदीत फेकेन, जी बापाची झाली नाही, ती तुमची कशी होईल; अजित पवारांच्या मंत्र्याचा संताप

तेजस्वी घोसाळकर यांनी हत्या प्रकरणाचा तपास मुंबई पोलिसांकडून काढून घ्यावा अशी मागणी करत आपल्या याचिकेत अनेक गंभीर दावे केलेहोते. अभिषेक यांच्या हत्येचा कट रचणारे खरे सूत्रधार अजूनही मोकाट आहेत. अभिषेक यांच्या हत्येच्या कटातील मुख्य आरोपी वसूत्रधारांपर्यंत पोहोचण्याच्या दृष्टीने पोलिसांनी गांभीर्याने तपास केला नाही. त्यामुळे सूत्रधार मोकाट आहेत. पोलिसांनी घाईघाईत आरोपपत्र दाखल केल्याचा आरोपही त्यांनी केला आहे.

अजित पवारांसोबतची युती नैसर्गिक नाही; त्यांना आमचा गुण लागायला वेळ लागेल; फडणवीस यांनी उडवून दिली खळबळ

काही महिन्यांपूर्वी माजी नगरसेवक अभिषेक घोसाळकर यांची मॉरिस नोरान्हा याने गोळीबार करुन हत्या केली होती. दोघांमध्ये वाद होते व आपल्याला जुने वाद मिटवायचे आहेत, असे सांगून मॉरिस याने अभिषेत घोसाळकर यांना आपल्या ऑफिसमध्ये बोलावले होते. दोघांनी जुने वाद मिटवत असल्याचे म्हणत फेसबुक लाईव्ह केले होते. मात्र फेसबुक लाईव्ह सुरु असतानाच मॉरिस नोरान्हाने अभिषेक घोसाळकर यांच्यावर गोळीबार केला. या गोळीबार घोसाळकर यांचा मृत्यू झाला. त्यानंतर बाहेर येऊन मॉरिस नोरान्हा याने स्वतःवरही गोळ्या झाडत आत्महत्या केली. या घटनेने मुंबईत खळबळ माजली होती.