Pune Crime : बिबट्याची शिकार करुन नखं पंजा लपवला फार्महाऊसच्या कपाटात ; दोन उद्योजक बंधूविरोधात गुन्हा दाखल

Sinhgad : सिंहगडावर फिरण्यासाठी जाताय! आता Gpay ने काढा तिकीट, वनविभागाचा नवा उपक्रम

विश्वजीत विनायकराव जाधव आणि अभिजित विनायकराव जाधव (दोघे रा. डेक्कन जिमखाना ) यांच्याविरुद्ध हवेली पोलीस ठाण्यात गुन्हा दाखल करण्यात आला आहे. दोन्ही आरोपी पसार असून, त्यांचा शोध घेण्यात येत आहे.

पोलिसांनी दिलेल्या माहितीनुसार फर्ग्युसन रस्त्यावरील हॉटेल वैशालीच्या मालकी हक्काच्या वादातून जाधव बंधूंविरुद्ध यापूर्वी गुन्हा दाखल आहे. त्याबाबत जबाब नोंदविताना फिर्यादी महिलेने आरोपींकडे बिबट्याचे कातडे असल्याचे नमूद केले होते. याप्रकरणी वन विभागाकडेही तक्रार करण्यात आली होती. त्यानुसार तपासादरम्यान खडकवासला धरण परिसरातील मांडवी खुर्द गावातील शेट्टी फार्म हाऊसमध्ये बिबट्याची शिकार करुन अवयव लपवून ठेवले असल्याची माहिती वन विभागाला मिळाली होती.

Pune Crime : चोराचं नशिबचं फुटकं! तीनपत्ती खेळण्यासाठी केली घरफोडी; चोरलेली ११ लाखांची रक्कमही हरवून बसला

त्यानंतर उपवनसंरक्षक महादेव मोहिते, सहायक वनसंरक्षक दीपक पवार, भांबुर्डा वनपरिक्षेत्र अधिकारी प्रदीप संकपाळ, डोणजे वनपरिमंडळ अधिकारी सचिन सपकाळ आणि पथकाने रविवारी फार्महाऊसवर छापा टाकला. त्यावेळी तेथील कपाटात बिबट्याचा नखांसह पंजा सापडला.

प्रसिद्ध वैशाली हॉटेलमध्ये टोळक्याने तोडफोड करुन कामगारांना मारहाण केल्याची घटना दोन महिन्यापूर्वी घडली होती. याप्रकरणी विश्वजित जाधव याच्यासह चौघांविरुद्ध डेक्कन पोलिस ठाण्यात गुन्हा दाखल आहे. हॉटेलच्या मालकी हक्कावरून जाधव याचे मूळ मालक जगन्नाथ शेट्टी यांची कन्या आणि पत्नी निकिता यांच्यात वाद सुरू आहे. जाधवने बंदुकीचा धाक दाखवून मालकी हक्काची कागदपत्रे तयार केल्याचा आरोप निकिता यांनी केला होता.