Ravindra Dhangekar News : पुणे लोकसभा मतदार संघाचे मतदान नुकतेच संपले आहे. मतदानाच्या आदल्या दिवशी रवींद्र धंगेकर यांनी सहकार नगर पोलिस ठाण्यात मोठे ठिय्या आंदोलन केले होते. पोलिसांनी त्यांना आत ठाण्यात बसून चर्चा करण्यासाठी बोलावले असतांना देखील त्यांनी त्यांच्या कार्यकर्त्यांसह ठाण्याच्या आवारात बसून आंदोलन केल्याने जमावबंदीचा आदेशाची पायमल्ली केल्याने त्यांच्यासह ३० ते ३५ कार्यकर्त्यांवर गुन्हा दाखल करण्यात आला आहे. रवींद्र धंगेकर यांनी भाजपावरती पैसे वाटप केल्याचा आरोप करत सकाहर नगर पोलिस ठाण्यात ठिया आंदोलन केलं होतं. हे आंदोलन करणं त्यांना आता गुन्हा दाखल झाल्याने भोवण्याची शक्यता आहे.
पुणे लोकसभा निवडणुकीच्या मतदानाच्या आदल्या दिवशी सहकार नगर पोलिस ठाण्यात मोठा ड्रामा पाहायला मिळाला. भाजप कार्यकर्ते पैसे पैसे वाटप करत असल्याचा आरोप धंगेकर यांनी केला. ऐवढेच नाही तर त्यांची नवे देखील त्यांनी पोलिसांना सांगितली. मात्र, पोलिसांनी कोणतीच कारवाई केली नअसल्याने रवींद्र धंगेकर यांनी रविवारी रात्री सहकारनगर पोलीस ठाण्यात ठिय्या आंदोलन केले. यावेळी त्यांच्या सोबत महाविकास आघाडीचे अनेक पदाधिकारी, कार्यकर्ते उपस्थित होते. तसह जो पर्यंत पैसे वाटप करणाऱ्यांवर कारवाई केली जात नाही, तो पर्यंत पोलीस ठाण्यातून उठणार नाही, असा आक्रमक पवित्रा धंगेकर यांनी घेत आंदोलन केले होते.
पुण्यात प्रतीके मतदार संघात घराघरात पैसे वाटले जात आहेत. जनतेचा हडप केलेला पैसा या निवडणुकीत वापरून भाजपने धनशक्तीचा वापर केला आहे. पैसे वाटपासाठी आजी-माजी नगरसेवक ते भाजपचे वरिष्ठ नेते देखील यात गुंतले असल्याचे त्यांनी म्हटले आहे. त्यामुळे गप्प राहणार नाही असे म्हणत धंगेकर यांनी हे आंदोलन सुरच ठेवले होते.
धंगेकरांचे आंदोलन झाल्यानंतर दुसऱ्या दिवशी म्हणजेच मतदानाच्या दिवशी भाजपकडूने देखील रविद्र धंगेकरांच्या विरोधात ठिय्या आंदोलन केले. मतदानाच्या दिवशी बुथवर उमेदवाराचा फोटो किंवा पक्षाचं चिन्ह होतं, असे म्हणत आचार संहितेच भाग केला असा आरोप करत रासने यांनी आंदोलन केले होते.
पुण्यात भाजप उमेदवार मुरलीधर मोहोळ तर महाविकास आघाडीचे उमेदवार रवींद्र धंगेकर यांचे भवितव्य ईव्हीएममध्ये बंद झाले आहे. पुण्यात एकूण ५३.५४ टक्के मतदान झाले असून ११ लाख ३ हजार ६७८ मतदारांनी मतदानाचा हक्क बजावला.
संबंधित बातम्या