मराठी बातम्या  /  महाराष्ट्र  /  Navi Mumbai : ठाणे- बेलापूर रोडवर भरधाव ट्रेलरची दुचाकीला धडक, २५ वर्षीय तरुणीचा मृत्यू

Navi Mumbai : ठाणे- बेलापूर रोडवर भरधाव ट्रेलरची दुचाकीला धडक, २५ वर्षीय तरुणीचा मृत्यू

Jun 05, 2024 03:03 PM IST

Navi Mumbai Banker Dies by Road Accident: तुर्भे येथील ठाणे-बेलापूर रोडला लागून असलेल्या सर्व्हिस रोडवरील ट्रॅफिक जंक्शनवर नायट्रोजन गॅसची वाहतूक करणाऱ्या ट्रेलरने दुचाकीला धडक दिली. यात २५ वर्षीय तरुणीचा मृत्यू झाला आहे.

नवी मुंबईत ठाणे-बेलापूर रोडवर भरधाव ट्रेलरच्या धडकेत तरुणीचा मृत्यू झाला.
नवी मुंबईत ठाणे-बेलापूर रोडवर भरधाव ट्रेलरच्या धडकेत तरुणीचा मृत्यू झाला.

Navi Mumbai Accident: बेदरकारपणे वाहन चालवणे आणि ट्रेलरचालकाच्या हलगर्जीपणामुळे नवी मुंबईतील एका २५ वर्षीय बँकरचा मृत्यू झाल्याची घटना सोमवारी घडली. हरे राम दिवाकर मिश्रा (वय, ४९) असे या चालकाचे नाव असून तो घटनास्थळावरून पळून गेल्यानंतर पोलिसांनी त्याला अटक केली. मृत रिया विक्रम उपळकर ही सोमवारी दुपारी घरी जात असताना तुर्भे येथील ठाणे-बेलापूर रोडला लागून असलेल्या सर्व्हिस रोडवरील ट्रॅफिक जंक्शनवर नायट्रोजन गॅसची वाहतूक करणाऱ्या ट्रेलरने दुचाकीला धडक दिली. ज्यात तरुणीचा मृत्यू झाला.

ट्रेंडिंग न्यूज

या प्रकरणी मृताचे वडील विक्रम उपळकर यांनी तुर्भे पोलीस ठाण्यात ट्रेलर चालकाविरोधात फिर्याद दिली आहे. मोटार वाहन कायदा १३४ (अ), १३४ (ब), १८४ आणि कलम ३०४ (अ) (निष्काळजीपणामुळे मृत्यू), २७९, ३३८ अन्वये गुन्हा दाखल करण्यात आला आहे. तुर्भे एमआयडीसी पोलिस ठाण्याचे वरिष्ठ पोलिस निरीक्षक रवींद्र दौंडकर यांनी सांगितले की, अपघातानंतर चालक घटनास्थळावरून पळून गेला आणि नंतर आमच्या पथकाने त्याचा शोध घेऊन त्याला पकडले.

"अपघाताच्या दिवशी बँकरने राजीनामा सादर केला होता आणि नवीन संस्थेत सामील होण्यापूर्वी काही दिवस सुट्टीवर जात होती. ती अत्यंत विनम्र आणि हुशार होती. गेल्या दोन वर्षांपासून त्या महापे ते वाशी असा प्रवास करीत आहेत. मात्र, सोमवारी चुकीच्या दिशेने जाणाऱ्या ट्रेलरने तिच्या गाडीला धडक दिली",अशी माहिती तिच्या वडिलांनी दिली.

तिच्या कुटुंबीयांनी दिलेल्या माहितीनुसार, रिया आणि तिच्या वडिलांनी त्यांच्याशी शेवटचे संभाषण केले, त्यावेळी उपळकर यांनी त्यांच्या राजीनाम्याची आणि भविष्यातील योजनांची माहिती दिली. हुशार आणि आश्वासक असलेल्या तिच्या महत्त्वाकांक्षा होत्या, असे तिच्या कुटुंबीयांनी सांगितले. मार्केटिंग फर्मची मॅनेजर बनण्याची तिची इच्छा होती आणि ती आधीच्या संस्थेत टीम लीडर पदावर पोहोचली होती, अशी माहिती उपळकर यांनी दिली. रिया तीन भावंडांमध्ये सर्वात मोठी होती आणि होम लोन अ‍ॅनालिस्ट होती. तिने बीबीएमएस आणि मार्केटिंगमध्ये एमबीए केले होते. रस्ता अपघातात तरुण मुलीचा मृत्यू झाल्याने उपळकर यांच्या कुटुंबावर दुख:चे डोंगर कोसळले. 

टी-२० वर्ल्डकप २०२४

विभाग