Mumbai Goa Highway: मुंबई- गोवा महामार्गावर भीषण अपघात, कार पुलावरून खाली कोसळल्यानं दोघांचा मृत्यू

मिळालेल्या माहितीनुसार, मुंबई- गोवा महामार्गावर इंदापूर नजीक वावे दिवाशी गावाजवळ हा अपघात घडला. अपघातग्रस्त कार कोकणातून मुंबईच्या दिशेने येत होती. हा अपघात इतका भीषण होता की, कारचा अक्षरश: चक्काचूर झाला. या कारमधून एकूण तीन जण प्रवास करीत होते. त्यापैकी दोघांचा जागीच मृत्यू झाला आहे. तर, एक जण गंभीर जखमी झाला. जखमीला त्वरीत जवळच्या रुग्णालयात दाखल करण्यात आले असून त्याच्यावर उपचार सुरू आहेत. या घटनेने परिसरात शोककळा पसरली आहे.

मी राजकीय कटाचा बळी! भर पत्रकार परिषदेत रडत रडत भाजपच्या पराभूत उमेदवाराचे अजित पवारांवर गंभीर आरोप

रस्ते अपघातात महाराष्ट्र कितव्या क्रमांकावर?

देशात गेल्यावर्षी १ लाख ७० हजारांहून अधिक लोकांचा रस्ते अपघातात मृत्यू झाला. तर, ४ लाख ६३ हजार लोक जखमी झाले आहेत. २०२२ च्या तुलनेत ही संख्या ४ टक्क्यांनी वाढली आहे. देशात दर तीन मिनिटाला एकाचा रस्ते अपघातात मृत्यू होत आहे. रस्ते वाहतूक मंत्रालयाच्या अहवालानुसार, महाराष्ट्रासह एकूण २१ राज्ये आणि केंद्रशासित प्रदेशांमध्ये २०२२ च्या तुलनेत २०२३ मध्ये वाढ रस्ते अपघातातील मृत्यूंमध्ये वाढ झाली आहे, यात उत्तर प्रदेश , मध्य प्रदेश, गुजरात, राजस्थान, तामिळनाडू, पश्चिम बंगाल, पंजाब, आसाम आणि तेलंगणा यांसारख्या राज्याचा समावेश आहे.

देशात सर्वाधिक अपघाती मृत्युंची नोंद कुठे?

देशात सर्वाधिक अपघाती मृत्युंची नोंद तामिळनाडूत (१८ हजार ३४७) करण्यात आली. त्यानंतर महाराष्ट्राचा क्रमांक लागतो. महाराष्ट्रात २०२३ मध्ये १५ हजार ३६६ जणांचा रस्ता अपघातात मृत्यू झाला आहे. तर, मध्य प्रदेश आणि कर्नाटकमध्ये अनुक्रमे १३ हजार ७९८ आणि १२ हजार ३२१ हजार मृत्युची नोंद झाली. तामिळनाडूत जखमींची (७२ हजार २९२) संख्या मोठी आहे.