निर्घृणतेचा कळस असणारे ते १५ व्हिडिओ आणि ८ फोटोंनी धनंजय मुंडे अडकले, द्यावा लागला राजीनामा

सीआयडीने आपल्या आरोपपत्रात व्हिडिओ आणि फोटोंचाही समावेश केला होता. धनंजय मुंडे यांचे निकटवर्तीय वाल्मिक कराड आणि त्यांच्या सहा साथीदारांना महाराष्ट्र पोलिसांनी जानेवारी महिन्यात अटक केली होती. बीड कोर्टात हे व्हिडिओ दाखवण्यात आले होते. फोटो आणि व्हिडिओ समोर आल्यानंतर बीडमध्ये जनताही रस्त्यावर उतरली. नागरिकांनी मंगळवारी एक दिवसाचा बंद पुकारला आहे. त्याचवेळी धनंजय मुंडे यांनी नैतिकतेच्या आधारावर राजीनामा दिला. विरोधी पक्ष आणि सरपंच कुटुंबीय अनेक दिवसांपासून मुंडे यांच्या राजीनाम्याची मागणी करत होते. मात्र, व्हिडिओ व्हायरल होईपर्यंत मुंडे आपल्या मंत्रीपदाला चिटकून होते.

बीडचे आमदार संदिर क्षीरसागर म्हणाले, 'बीडच्या जनतेने सोशल मीडियावर फोटो आणि व्हिडिओ पाहिल्यानंतर तणाव निर्माण झाला. लोक घराबाहेर पडून रस्त्यावर उतरले. मुंडे यांनी राजीनामा दिला हे चांगले आहे. मस्साजोगचे सरपंच संतोष देशमुख यांच्यावर झालेल्या अत्याचाराचे व्हिडिओ तयार करण्यात आले होते. बीडचे एसपी म्हणाले, पोटो व्हायरल झाल्यानंतर लोक आंदोलन करत आहेत. हे व्हिडिओ आणि पोटो न्यायालयीन प्रक्रियेचा भाग आहेत. मी जनतेला आवाहन करतो की, कायदा हातात घेऊ नका.

कराड यांनी बीडमधील अवाडा या अक्षय ऊर्जा कंपनीच्या भूसंपादन अधिकाऱ्याकडे दोन कोटी रुपयांची खंडणी मागितली होती. सरपंच देशमुख यांनी खंडणी रोखण्याचा प्रयत्न केला असता त्यांच्याविरोधात षडयंत्र रचण्यात आले. एसआयटीने सीसीटीव्ही फुटेज, व्हिडिओ कॉल, कॉल रेकॉर्डिंग आणि छायाचित्रे न्यायालयात सादर केली होती. कराडनंतर सुदर्शन घुले हा दुसरा आरोपी असल्याचे बोलले जात होते. त्याच्यावर आधीच डझनभर गुन्हे दाखल आहेत. हत्येनंतर संतोष देशमुख यांचा मृतदेह रस्त्याच्या कडेला फेकून देण्यात आला होता.

आपले चुलत बंधू धनंजय मुंडे यांचे कोणतेही काम कराडशिवाय चालत नाही, असे खुद्द पंकजा मुंडे यांनी म्हटले होते. आरोपपत्रानुसार, आरोपी महेश केदार याने व्हिडिओ शूट केला होता. हे व्हिडिओ २ सेकंद ते २ मिनिटे ४ सेकंदापर्यंतचे होते. एका व्हिडिओमध्ये सुदर्शन घुले आणि इतर पाच आरोपी देशमुख यांना काठीने मारहाण करताना दिसत आहेत. ते त्यांना लाथाही मारत होते. या व्हिडिओमध्ये देशमुख अर्धनग्न अवस्थेत असून त्यांना जमिनीवर बसून मारहाण केली जात असल्याचे दिसत आहे.

दुसऱ्या एका व्हिडिओमध्ये आरोपी सुदर्शन घुले संतोषला आपण सर्वांचे वडील असल्याचे जबरदस्तीने सांगताना दिसत आहे. आणखी एका आरोपीने देशमुख यांच्यावर लघवी केली. देशमुख यांनाही रक्तस्त्राव होत होता. आरोपी कृष्णा आंधळे याने देशमुख यांच्या फोनवरून दोन व्हिडिओ कॉल केले. पोलिसांनी घटनास्थळावरून १५ तुटलेले पाईप जप्त केले. देशमुख यांच्या हत्येपूर्वी घुले, कराड आणि विष्णू चाटे हे एकमेकांच्या संपर्कात होते. देशमुख यांचे ९ डिसेंबर रोजी अपहरण करण्यात आले होते.