मराठी बातम्या  /  महाराष्ट्र  /  धक्कादायक! मराठवाड्यात एका वर्षात १ हजारहून अधिक शेतकऱ्यांच्या आत्महत्या

धक्कादायक! मराठवाड्यात एका वर्षात १ हजारहून अधिक शेतकऱ्यांच्या आत्महत्या

Ganesh Pandurang Kadam HT Marathi
Jan 23, 2024 01:58 PM IST

Farmers Suicide in Marathwada : मराठवाड्यातील शेतकऱ्यांच्या दयनीय अवस्थेची व आत्महत्येची धक्कादायक माहिती समोर आली आहे.

Farmers Suicide
Farmers Suicide

Marathwada Farmers Suicide : महाराष्ट्रातील शेतकऱ्यांच्या आत्महत्येच सत्र सुरूच असून या संदर्भात हादरवून टाकणारी माहिती समोर आली आहे. ‘२०२३ मध्ये मराठवाड्यातील आठ जिल्ह्यांमध्ये १,०८८ शेतकऱ्यांनी आत्महत्या केल्या आहेत,’ अशी माहिती विभागीय आयुक्त कार्यालयाच्या अहवालातून समोर आली आहे.

यापूर्वीच्या, म्हणजेच २०२२ या वर्षाच्या तुलनेत हा आकडा ६५ ने वाढला आहे, असं एका अधिकाऱ्यानं सांगितल्याचं वृत्त 'एनडीटीव्ही'नं दिलं आहे. २०२३ मध्ये झालेल्या १०८८ आत्महत्यांपैकी बीडमध्ये सर्वाधिक २६९ आत्महत्या झाल्या. त्याखालोखाल छत्रपती संभाजीनगरमध्ये १८२, नांदेडमध्ये १७५, धाराशिवमध्ये १७१ आणि परभणीमध्ये १०३ आत्महत्या झाल्या, असं अहवालात नमूद करण्यात आलं आहे.

Shiv Sena UBT : भाजपच्या ढोंगबाजीचा बुरखा उतरवण्यासाठी आज बाळासाहेब हवे होते; 'सामना'तून हल्लाबोल

जालना, लातूर आणि हिंगोली या जिल्ह्यांत अनुक्रमे ७४, ७२ आणि ४२ मृत्यूंची नोंद झाली आहे. अहवालानुसार, मराठवाड्यात २०२२ मध्ये १,०२३ शेतकरी आत्महत्या झाल्या, ज्यात छत्रपती संभाजीनगर, जालना, बीड, हिंगोली, धाराशिव, लातूर, नांदेड आणि परभणी जिल्ह्यांचा समावेश आहे.

प्रशासनानं प्रत्येक प्रकरणाची चौकशी केली आणि पात्र प्रकरणांमध्ये कुटुंबाला १ लाख रुपयांची भरपाई देण्यात आली, अशी माहिती संबंधित अधिकाऱ्यानं दिली.

Madgaon Express: मडगाव एक्स्प्रेसमध्ये 'जय श्रीराम' म्हणण्यास भाग पाडणाऱ्या गटाविरोधात गुन्हा दाखल

आत्महत्या झालेल्या १०८८ प्रकरणांपैकी ७७७ नुकसान भरपाईसाठी पात्र होते. या सर्वांच्या कुटुंबीयांना आर्थिक मदत देण्यात आली आहे. तर, १५१ प्रकरणांची चौकशी सुरू आहे, असंही त्यानं सांगितलं.

WhatsApp channel