पुढील बातमी

१५ दिवसांत प्रकरणं मार्गी लावा नाहीतर..ठाकरेंचा विमा कंपन्यांना इशारा

१५ दिवसांत प्रकरणं मार्गी लावा नाहीतर..ठाकरेंचा विमा कंपन्यांना इशारा

पंतप्रधानांनी पीक विमा योजना एका जाणीवेतून देशातील शेतकऱ्यांसाठी आणलेली आहे. ही रक्कम विमा कंपन्या किंवा बँकांच्या बोडक्यावर घालण्यासाठी आणलेली नाही, त्यामुळे मी हात जोडून विनंती करतो की शेतकऱ्यांची फसवणूक करु नका. १५ दिवसांत शेतकऱ्यांची लटकलेली विमा प्रकरणे निकाली काढली नाही तर १६ व्या दिवशी मोर्चा बोलायला लागेल, असा इशारा शिवसेना पक्षप्रमुख उद्धव ठाकरे यांनी विमा कंपन्यांना दिला. यावेळी त्यांनी शेतकऱ्यांच्या कर्जमाफीवरुन बँकांनाही इशारा दिला. 

राज्यातील शेतकऱ्यांच्या पीक विमाप्रश्नी शिवसेनेच्या वतीने मुंबईत मोर्चा काढण्यात आला. त्यावेळी बीकेसी मैदानावर उद्धव ठाकरे बोलत होते. उद्धव ठाकरे हे स्वतः या मोर्चात सहभागी झाले होते. त्यांच्याबरोबर सेनेचे सर्व पदाधिकारी, मंत्री कार्यकर्ते मोठ्या संख्येने उपस्थितीत होते.

तत्पूर्वी, हा मोर्चा शेतकऱ्यांचा नसून शेतकऱ्यांसाठी आहे, असे सांगत उद्धव ठाकरे यांनी विमा कंपन्यांना धमकी वजा इशारा दिला होता.

Wed, 17 Jul 2019 01:48 PM IST

कर्जमाफीचे पैसे गेले कुठे

मुख्यमंत्र्यांनी सांगितले आहे की, कर्जमाफीसाठी सगळे पैसे बँकांना दिले आहेत. सरकारने जर पैसे दिले असतील आणि शेतकऱ्यांना ते मिळाले नसतील तर मग ते गेले कुठे ?- उद्धव ठाकरे

Wed, 17 Jul 2019 01:47 PM IST

टीकेची पर्वा करत नाही- उद्धव ठाकरे

आमच्यावर टीका करणाऱ्यांच्या रक्तात भेसळ झाली आहे. ती त्यांनी तपासून बघावी. या मोर्चावर टीका करणाऱ्यांच्या टीकेची आम्ही पर्वा करत नाही

Wed, 17 Jul 2019 01:45 PM IST

शेतकऱ्यांची जबाबदारी घेऊ शकत नाही का- उद्धव ठाकरे

जो शेतकरी धान्य पिकवतो, देशाच्या रक्षणासाठी आपल्या पोटचा मुलगा देतो त्या शेतकऱ्याची जबाबदारी आपण घेऊ शकत नाही, उद्धव ठाकरेंचा सवाल

Wed, 17 Jul 2019 01:42 PM IST

१५ दिवसांत न्याय द्या, नाहीतर ..

या कंपन्यांनी १५ दिवसांत जर न्याय दिला नाही तर १६ व्या दिवशी हा मोर्चा बोलायला लागेल- उद्धव ठाकरे 

Wed, 17 Jul 2019 01:41 PM IST

बँकांनाही दिला इशारा

बँक खात्यातून शेतकऱ्यांची फसवणूक करु नका. विमा रक्कम शेतकऱ्यांच्या खात्यात जमा करा- उद्धव ठाकरे

Wed, 17 Jul 2019 01:36 PM IST

मुंबईसाठी रक्त सांडणाऱ्या शेतकऱ्यांशी बांधील- उद्धव ठाकरे

Wed, 17 Jul 2019 01:15 PM IST

शेतकऱ्यांच्या मोर्चात उद्धव ठाकरे यांची काँग्रेसवर मोर्चा

Wed, 17 Jul 2019 12:34 PM IST

शिवसेना पक्ष प्रमुख उद्धव ठाकरे मोर्चात सहभागी

शिवसेना पक्ष प्रमुख उद्धव ठाकरे मोर्चात सहभागी झाले असून ते वांद्रे येथील बीकेसी मैदानावर चालत जातील

Wed, 17 Jul 2019 12:34 PM IST

विमा कंपन्यांच्या मनमानीविरोधात शिवसेनेचा मोर्चा

या मोर्चात मोठ्याप्रमाणात शेतकरी सहभागी झाले असून शिवसेनेचे सर्व मंत्री, पदाधिकारी यांचाही यात समावेश आहे.

Wed, 17 Jul 2019 12:30 PM IST

माजी मुख्यमंत्री मनोहर जोशी, आदित्य ठाकरे यांच्यासह ज्येष्ठ नेत्यांची उपस्थिती

माजी मुख्यमंत्री मनोहर जोशी, युवा सेना प्रमुख आदित्य ठाकरे, खासदार विनायक राऊत, खासदार अनिल देसाई, आमदार अनिल परब, शिवसेना सचिव आदेश बांदेकर, माजी खासदार चंद्रकांत खैरे  यांची उपस्थिती.

Wed, 17 Jul 2019 12:22 PM IST

भारती अक्सा कार्यालयावर जाणार मोर्चा

पीकविम्याच्या प्रश्नावरुन शिवसेनेचा मोर्चा हा भारती अक्सा विमा कंपनीच्या कार्यालयावर जाणार आहे.

  • Marathi News संबंधित इतर बातम्या वाचण्यासाठी आम्हाला लाईक करा आणि फॉलो करा.
  • Web Title:१५ दिवसांत प्रकरणं मार्गी लावा नाहीतर..ठाकरेंचा विमा कंपन्यांना इशारा