Navratri Celebration: भारतात प्रत्येक ठिकाणी वेगळा असतो नवरात्रोत्सव, एकदा नक्की भेट द्या
Navratri 2024: भारतात सर्वत्र नवरात्रीचा धुमधाम पाहायला मिळते. पण अशी काही ठिकाणं आहेत जिथे तुम्ही एकदा नवरात्रोत्सव पाहिलाच पाहिजे.
Places to Visit for Navratri Celebration: यावर्षी शारदीय नवरात्र ३ सप्टेंबरपासून सुरु झाला असून दसरा १२ ऑक्टोबरला साजरा होणार आहे. या काळात देशभरात नवरात्री वेगळ्या पद्धतीने साजरी केली जाते. या सणाबद्दल लोकांमध्ये एक वेगळाच उत्साह असतो. भारतात नवरात्रोत्सव वेगवेगळ्या ठिकाणी वेगवेगळ्या पद्धतीने साजरा केला जातो. अशा तऱ्हेने नवरात्रीत तुम्ही भारतातील या ठिकाणांना भेट देऊ शकता.
गुजरात
गुजरातची नवरात्र पाहण्यासारखी असते. या काळात गरबा, दांडिया असे विविध कार्यक्रम शहरभर आयोजित केले जातात. येथे स्त्री, पुरुष आणि मुले देवीच्या मूर्तीची प्रदक्षिणा करताना गरबा रासमध्ये सहभागी होतात. येथे रात्री उशिरापर्यंत ग्रुप गरबा सुरू असतो. नवरात्रीमध्ये एकदा येथे जरूर भेट द्यावी.
मुंबई
मुंबईत नऊ दिवस विवाहित स्त्रिया काही विधी करण्यासाठी एकत्र येतात. यावेळी महिला एकमेकींना हळदी- कुंकू लावून एकमेकांना भेटवस्तू देतात. मुंबईतील दांडिया आणि गरबा नाईटही पाहण्यासारखी असते. यामध्ये सेलिब्रिटीही सहभागी होतात.
आंध्र प्रदेश
आंध्र प्रदेशात नवरात्रीला बथुकम्मा पांडुगा म्हणून साजरे केले जाते. हा उत्सव देवी गौरीला समर्पित आहे आणि देवीची मूर्ती बथुकम्मा नावाच्या फुलांच्या ढिगाऱ्यात स्थापित केली जाते.
कोलकाता
कोलकात्यातली दुर्गापूजा ही शहरात नवरात्र साजरी करण्याचा एक प्रसिद्ध पद्धत आहे. या काळात येथे वेगवेगळे मंडप तयार केले जातात ज्यामध्ये देवीची मोठी मूर्ती स्थापित केली जाते. ज्यांना नवरात्रीत कुठेतरी जायचे आहे, त्यांनी कोलकात्याला जावे. एक वेगळाच अनुभव मिळेल.
वाराणसी
वाराणसीमध्ये नवरात्रीचा सण मोठ्या थाटामाटात साजरा केला जातो. हा सण साधारण महिनाभर चालतो. येथे रामलीला सादर करण्याची परंपरा आहे.
संबंधित बातम्या