मराठी बातम्या  /  लाइफस्टाइल  /  Yoga Mantra: गाडीत बसल्यावर उलट्या सुरु होतात? मोशन सिकनेस टाळण्यासाठी फायदेशीर आहे शून्य मुद्रा

Yoga Mantra: गाडीत बसल्यावर उलट्या सुरु होतात? मोशन सिकनेस टाळण्यासाठी फायदेशीर आहे शून्य मुद्रा

Hiral Shriram Gawande HT Marathi
Feb 02, 2024 09:33 AM IST

Yoga for Motion Sickness: एखाद्या व्यक्तीला मोशन सिकनेस झाल्यावर मळमळ आणि उलट्या होतात. त्यामुळे प्रवासाची संपूर्ण मजाच जाते. ही समस्या सोडवण्यासाठी शून्य मुद्रा फायदेशीर आहे. जाणून घ्या हे कसे करावे.

शून्य मुद्रा
शून्य मुद्रा

Shunya Mudra for Motion Sickness: अनेक लोकांना गाडीत बसून प्रवास करताना चक्कर येणे, उलट्या होणे हा त्रास सुरु होतो. तुम्ही सुद्धा अशा लोकांपैकी एक आहात ज्यांना प्रवास करायचा आहे परंतु चक्कर येणे, मळमळ आणि अस्वस्थतेचा त्रास होतो? या समस्येचा सामना करण्याचा सर्वात सोपा मार्ग म्हणजे योग. योगाच्या मदतीने अनेक समस्या सोडवता येतात. जर तुम्हाला प्रवासाची आवड असेल पण प्रवास करताना उलटीची भीती वाटत असेल तर ही समस्या टाळण्यासाठी शून्य मुद्राचा सराव करा. ही मुद्रा कशी करावी आणि त्याचे फायदे जाणून घ्या.

मोशन सिकनेसमध्ये शून्य मुद्राचे फायदे

मोशन सिकनेस आणि प्रवास करताना मळमळ, उलट्या, कान दुखणे आणि कधी कधी डोकेदुखी होऊ शकते. शरीरात आकाश तत्वाचा अतिरेक झाल्यामुळे कान दुखणे किंवा मोशन सिकनेस सारख्या समस्या उद्भवू शकतात. हे टाळण्यासाठी शून्य मुद्रा उपयुक्त आहे. या आसनात मधल्या बोटाला ताण दिला जातो आणि हे बोट आकाशाकडे ठेवले जाते, जे स्वर्गाचे प्रतीक मानले जाते. ही मुद्रा रोज केल्याने एकाग्रता वाढते आणि इच्छाशक्तीही मजबूत होते. हे आसन नियमित केल्याने शरीरातील आळस कमी होतो आणि हाडे मजबूत होतात.

कशी करावी शून्य मुद्रा

- शून्य मुद्रा करण्यासाठी सर्वप्रथम एखाद्या शांत जागी मॅट किंवा चटईवर पद्मासनात बसा. जर तुम्हाला हे कार किंवा बसमध्ये करायचे असेल तर बसमध्ये समोर बसा.

- बसताना तुमचा पाठीचा कणा पूर्णपणे सरळ असावा हे लक्षात ठेवा.

- बसताना तुम्ही डोळे बंद करू शकता किंवा उघडे ठेवू शकता.

- काही वेळाने तुमचे दोन्ही हात गुडघ्यावर ठेवा आणि तळवे आकाशाकडे असावेत.

- मधले बोट अशा प्रकारे वाकवा की ते अंगठ्याला दाबेल. उरलेली बोटे सरळ ठेवा.

- आता लक्ष केंद्रित करा. ध्यान करताना श्वासोच्छवास सामान्य ठेवा.

- हे आसन दोन्ही हातांनी पुन्हा करा.

(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)

WhatsApp channel

विभाग