Yoga Mantra: पाठदुखीच्या समस्येने हैराण? नियमित करा हे मार्जरी आसन
Yoga For Back Pain: एकसारखं बराच वेळ बसून काम केल्याने पाठदुखीचा त्रास होतो. यापासून मुक्ती मिळवण्यासाठी नियमित मार्जरी आसन करा. जाणून घ्या सविस्तर
Yoga For Strong Bones: आजकाल एकाच जागी तासन तास बसून काम केल्याने पाठदुखीची समस्या सामान्य झाली आहे. शिवाय गृहिणींना सतत उभे राहून काम केल्याने पाठदुखीचा त्रास होतो. याचे निराकरण करण्यासाठी लोक अनेकदा पेन किलरची मदत घेतात. पण हे पेन किलर भविष्यात शरीराला खूप नुकसान करतात. जर तुम्ही पाठदुखीच्या समस्येशी झगडत असाल तर रुटीनमध्ये थोडासा सुधारणा करून तो बरा होऊ शकतो. यासोबतच योगा केल्याने पाठदुखी बरी होऊ शकते. चला तर मग जाणून घेऊया कोणते आसन आहे, ज्यामुळे पाठदुखीवर आराम मिळतो.
मार्जरी आसन
मार्जरी आसन हे कॅट-काऊ पोझ म्हणूनही ओळखले जाते. कंबर व मणक्यात दुखत असल्यास मार्जरी आसन करावे. यामुळे पाठ आणि पाठीचा कणा मजबूत होतो आणि वेदना कमी होतात. मार्जरी आसन केल्याने शरीराला ताण येतो, तसेच पचनक्रियाही सुरळीतपणे काम करू लागतात.
कसे करावे मार्जरी आसन
मार्जरी आसन जवळजवळ सर्व वयोगटातील लोक करू शकतात. पण गुडघेदुखीची तक्रार असेल तर ती टाळावी. मार्जरी आसन करण्यासाठी सर्वप्रथम आपले पाय गुडघ्यावर वाकवा. दोन्ही हातांचे तळवे जमिनीवर टेकून उभे राहा. चार पायांचे प्राणी ज्या पद्धतीने चालतात, त्याच पोझमध्ये राहावे लागते. नंतर श्वास घ्या आणि मान मागे करा. यासोबतच कंबरेचा भाग वरच्या दिशेने उचला. श्वास सोडताना मान खाली करा आणि हनुवटीने छातीला स्पर्श करण्याचा प्रयत्न करा.
अनेक वेळा पुनरावृत्ती करा
ही प्रक्रिया सुरुवातीला सुमारे १०-१५ वेळा करा आणि हळूहळू वेळ वाढवा. मार्जरी आसन केल्याने पाठदुखीपासून आराम मिळतो आणि तुम्हाला पेन किलर खाण्याची गरज भासणार नाही.
(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)
विभाग