११७ वर्षे जगलेल्या आज्जीने सांगितल्या दीर्घायुष्यासाठीच्या साध्या सोप्या १० टिप्स

मारिया ब्रन्यास यांचा जन्म ४ मार्च १९०७ रोजी अमेरिकेतील कॅलिफोर्निया येथे झाला होता. मारिया यांनी सुरूवातीला स्पेनमध्ये नर्स म्हणून काम केले होते. त्यानंतर कपडे शिवण्याचे काम हातात घेतले. त्यांना तीन मुले आहेत. १९७६ साली त्यांच्या पतीचे निधन झाल्यानंतर आयुष्यात निर्माण झालेला एकटेपण घालवण्यासाठी त्यांनी संगीत शिक्षणाची वाट धरली. दरम्यानच्या काळात मारिया या जागतिक इतिहासातील अनेक महत्त्वाच्या घटनांच्या साक्षीदार ठरल्या. 

वयाच्या आठव्या वर्षी त्यांना एका कानाने कमी ऐकू येत असल्याची समस्या निर्माण झाली होती. त्यानंतर स्पॅनिश फ्लू आणि कोरोनासारख्या साथीच्या आजारातून त्या बचावल्या होत्या. १९२० साली म्हणजे त्यांच्या वयाच्या ११३ व्या वर्षी त्यांना कोरोनाची लागण झाली होती. त्यानंतर औषधोपचारानंतर एका आठवड्यात त्या कोरोनातून बऱ्या झाल्या होत्या. त्यांच्या ८६ वर्षाचा मुलाचा मृत्यू झाला होता. ११७ वर्ष जगलेल्या मारिया ब्रन्यास यांच्या उत्तम तब्येतीमागे त्यांच्या आयुष्यात लाभलेली भावनिक स्थिरता आणि कमी ताणतणाव ही प्रमुख कारणं असल्याचं त्या बोलतात.

दीर्घायुष्यासाठीच्या आजीने सांगितलेल्या दहा टीप्स!

१) आयुष्यात शिस्त बाळगा 

२) मनावर ताण घेऊ नका

३) कुटुंबासोबत चांगले संबंध ठेवा

४) मित्रांसोबत कनेक्शन ठेवा

५) निसर्गाचा आनंद घ्या

६) जीवनात भावनिक स्थैर्य ठेवा

७) भविष्याची सतत चिंता करू नका  

८) मनात पश्चातापाची भावना ठेवू नका

९) सकारात्मक विचार करा

१०) नकारात्मक प्रवृत्तीच्या लोकांपासून दूर रहा

हे वाचाः तुम्हाला जीवनात आनंद हवा आहे का? लगेच या सवयी पूर्णपणे सोडा, फरक दिसेल

हे वाचाः Life Mantra: माफी मागणे अवघड वाटते? लक्षात ठेवा या गोष्टी, बिघडणार नाही नाते