World Stroke Day: अशा पद्धतीने ओळखा स्ट्रोकची लक्षणे, तात्काळ उपचाराने टळेल धोका
what causes stroke: स्ट्रोक ही एक गंभीर वैद्यकीय समस्या आहे. जी मेंदूतील रक्ताभिसरण अचानक थांबते तेव्हा उद्भवते. यामुळे, मेंदूच्या ऊतींना ऑक्सिजन आणि पोषक तत्व मिळत नाहीत. ज्यामुळे नुकसान होते.
Stroke Symptoms: दरवर्षी २९ऑक्टोबर रोजी 'जागतिक स्ट्रोक दिवस' साजरा केला जातो. स्ट्रोकबद्दल जागरुकता वाढवणे आणि त्याची लक्षणे, कारणे आणि प्रतिबंध करण्याच्या पद्धतींबद्दल लोकांना शिक्षित करणे हा त्याचा उद्देश आहे. स्ट्रोक हे जगभरातील मृत्यू आणि अपंगत्वाचे प्रमुख कारण आहे. स्ट्रोक ही एक गंभीर वैद्यकीय समस्या आहे. जी मेंदूतील रक्ताभिसरण अचानक थांबते तेव्हा उद्भवते. यामुळे, मेंदूच्या ऊतींना ऑक्सिजन आणि पोषक तत्व मिळत नाहीत. ज्यामुळे नुकसान होते. स्ट्रोकच्या मुख्य कारणांमध्ये उच्च रक्तदाब, मधुमेह, हृदयविकार, धूम्रपान आणि उच्च कोलेस्ट्रॉल यांचा समावेश होतो.
स्ट्रोक कोणत्याही वयोगटातील व्यक्तीला होऊ शकतो. परंतु हा सहसा 55 वर्षे आणि त्याहून अधिक वयाच्या लोकांना होतो. जसजसे वय वाढते तसतसे हृदय आणि रक्तवाहिन्यांमधील समस्या वाढू लागतात, त्यामुळे पक्षाघाताचा धोकाही वाढतो. याशिवाय कौटुंबिक वैद्यकीय इतिहास आणि जीवनशैलीमुळेही पक्षाघाताचा धोका वाढू शकतो. जर एखाद्या व्यक्तीला स्ट्रोकची लक्षणे दिसली, जसे की चेहऱ्याचा भाग, हात कमजोर होणे किंवा बोलण्यात अडचण येणे, तर त्वरित डॉक्टरांची मदत घ्यावी. योग्य वेळी उपचार केल्यास जीव वाचू शकतो. स्ट्रोकची काही प्रारंभिक लक्षणे आहेत, जी एखाद्या व्यक्तीमध्ये दिसून येतात. या लेखात, तुम्हाला स्ट्रोकची सुरुवातीची लक्षणे आणि ते ओळखण्याचे सोपे तंत्र सांगणार आहोत.
स्ट्रोकची सुरुवातीची लक्षणे-
स्ट्रोकमुळे, मेंदूच्या ऊतींमध्ये ऑक्सिजन आणि पोषक तत्वांची कमतरता असते, ज्यामुळे गंभीर आरोग्य समस्या उद्भवू शकतात. वेळेवर ओळख आणि उपचार केल्याने स्थिती गंभीर होण्यापासून रोखू शकते. स्ट्रोकच्या काही सुरुवातीच्या लक्षणांबद्दल आम्ही तुम्हाला सांगणार आहोत-
भास होणे
चेहऱ्यात विषमता
हातांमध्ये कमजोरी
बोलण्यात अडचण
दृष्टीमध्ये बदल
अंधुक दृष्टी
चालण्यात अडचण
चालताना संतुलन गमावणे
अचानक डोकेदुखी
मानसिक स्थितीत बदल
लक्ष केंद्रित करण्यात समस्या
'या' तंत्राने स्ट्रोकची लक्षणे लवकर ओळखा-
चेहरा-
पहिले लक्षण म्हणजे चेहरा. जर एखाद्या व्यक्तीच्या चेहऱ्याचा काही भाग अचानक झुकायला लागला तर ते स्ट्रोकचे लक्षण असू शकते. त्या व्यक्तीला हसायला सांगा आणि त्याचा चेहरा असमान किंवा एका बाजूला झुकलेला आहे का ते पहा. जर चेहरा नीट दिसत नसेल तर ते मेंदूला होणाऱ्या रक्तपुरवठ्यात अडथळे येण्याचे लक्षण असू शकते.
हात-
स्ट्रोक दरम्यान, मेंदूच्या नसांवर दबाव पडल्यामुळे शरीराचे अवयव कमकुवत वाटू शकतात. त्या व्यक्तीला दोन्ही हात वर करायला सांगा. जर एखादा हात खाली पडत असेल किंवा व्यक्तीला तो उचलण्यात अडचण येत असेल तर हे स्ट्रोकचे लक्षण असू शकते.
बोलणे-
स्ट्रोकची सुरुवातीची लक्षणे ओळखायची असतील तर बोलण्याकडे लक्ष द्या. बोलण्याची क्षमता बदलणे हे याचे महत्त्वाचे लक्षण आहे. जर त्या व्यक्तीचा आवाज लटपटत असेल, शब्द स्पष्ट येत नसतील किंवा त्यांना बोलण्यात अडचण येत असेल तर हे मेंदूच्या नुकसानीचे लक्षण असू शकते. या लक्षणाकडे दुर्लक्ष करू नये.
वेळ-
स्ट्रोकच्या बाबतीत वेळेला खूप महत्त्व असते. वरीलपैकी कोणतीही लक्षणे दिसल्यास ताबडतोब रुग्णालयात जा. स्ट्रोकचे पहिले तीन तास उपचारासाठी महत्त्वाचे असतात आणि त्वरित उपचार केल्याने मेंदूचे नुकसान टाळता येते. वेळेवर उपचार केल्यास मेंदूला मोठ्या नुकसानीपासून वाचवता येते. स्ट्रोकची लक्षणे लवकर ओळखा. जीव वाचवण्यासाठी योग्य उपचार महत्त्वाचे ठरू शकतात.
(या लेखात दिलेली माहिती पूर्णपणे सत्य आणि अचूक असेल असा आमचा दावा नाही. सविस्तर व अधिक माहितीसाठी संबंधित क्षेत्रातील तज्ज्ञांचा सल्ला घ्यावा. )
संबंधित बातम्या