मराठी बातम्या  /  लाइफस्टाइल  /  World Parkinson's Day 2024: जागतिक पार्किन्सन दिन साजरा करण्याचे उद्देश काय? जाणून घ्या इतिहास आणि महत्त्व

World Parkinson's Day 2024: जागतिक पार्किन्सन दिन साजरा करण्याचे उद्देश काय? जाणून घ्या इतिहास आणि महत्त्व

Hiral Shriram Gawande HT Marathi
Apr 10, 2024 11:23 PM IST

World Parkinsons Day History: दरवर्षी ११ एप्रिल रोजी जागतिक पार्किन्सन दिन साजरा केला जातो. हा दिवस साजरा करण्यामागचे उद्देश, इतिहास आणि महत्त्व जाणून घ्या.

World Parkinson's Day 2024: जागतिक पार्किन्सन दिन साजरा करण्याचे उद्देश काय? जाणून घ्या इतिहास आणि महत्त्व
World Parkinson's Day 2024: जागतिक पार्किन्सन दिन साजरा करण्याचे उद्देश काय? जाणून घ्या इतिहास आणि महत्त्व (Unsplash)

World Parkinsons Day Significance: पार्किन्सन आजार हा एक प्रोग्रेसिव्ह न्यूरोडीजेनेरेटिव्ह डिसऑर्डर आहे, जो प्रामुख्याने मज्जासंस्थेला लक्ष्य करतो आणि मज्जातंतूंद्वारे नियंत्रित शरीराच्या भागांवर परिणाम करतो. मेंदूतील मज्जातंतू पेशींच्या नुकसानीमुळे डोपामाइनची पातळी कमी होते, यामुळे पार्किन्सन आजार होतो. पार्किन्सन आजाराची काही लक्षणे म्हणजे थरथरणे, मंद हालचाल, कडक होणे आणि संतुलन गमावणे. पार्किन्सन रोग सामान्यत: हळू सुरू होतो, थरथरणे जे क्वचितच दिसतात. स्मृती जाणे, स्मृतिभ्रंश, समजून घेण्यात आणि विचार करण्यात अडचण हे पार्किन्सन रोगाचे काही संज्ञानात्मक परिणाम आहेत. दरवर्षी ११ एप्रिल रोजी जागतिक पार्किन्सन दिन साजरा केला जातो. या विकाराविषयी जनजागृती करण्यासाठी हा दिवस साजरा केला जातो.

ट्रेंडिंग न्यूज

जागतिक पार्किन्सन दिनाचा इतिहास

१८१७ मध्ये पार्किन्सन आजाराचे पहिले प्रकरण शोधणारे डॉ. जेम्स पार्किन्सन हे पहिले व्यक्ती होते. १९९७ मध्ये युरोपियन असोसिएशन फॉर पार्किन्सन डिसीज ने ११ एप्रिल हा दिवस जागतिक पार्किन्सन दिन म्हणून साजरा करण्याची घोषणा केली. जागतिक आरोग्य संघटनेनेही या कार्यक्रमाचे सहप्रायोजकत्व केले.

जागतिक पार्किन्सन दिनाचे महत्व

या दिवशी लोक नवीन संशोधन पद्धतींचा शोध घेण्यासाठी एकत्र येतात, ज्याद्वारे आपण या रोगाची प्रगती प्रतिबंधित किंवा कमी करू शकतो. हा आजार आणि त्याची लक्षणे समजून घेण्यात या क्षेत्रात झालेली प्रगती साजरी करण्याची संधीही यातून निर्माण होते. गेल्या काही दशकांत हा आजार समजून घेण्यात आणि उपचार सुविधांमध्ये लक्षणीय सुधारणा झाल्या आहेत. पार्किन्सन आजार असलेल्या लोकांचे जीवनमान सुधारण्यासाठी कार्य करणाऱ्या आरोग्य व्यावसायिकांच्या प्रयत्नांची दखल घेणे हे या दिवसाचे उद्दीष्ट आहे.

जागतिक पार्किन्सन दिनाचे सह-संस्थापक पार्किन्सन युरोप यांनी त्यांच्या अधिकृत वेबसाइटवर शेअर केले - या जागतिक पार्किन्सन दिनानिमित्त, ते डिसऑर्डर असलेल्या लोकांसाठी शारीरिक क्रियाकलाप आणि व्यायामाचे महत्त्व सांगण्यावर लक्ष केंद्रित करू इच्छितात.

(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)

WhatsApp channel