मराठी बातम्या  /  लाइफस्टाइल  /  World Milk Day 2024: आहारात दूध आणि दुग्धजन्य पदार्थ समाविष्ट करण्यासाठी फॉलो करा हे टेस्टी मार्ग!

World Milk Day 2024: आहारात दूध आणि दुग्धजन्य पदार्थ समाविष्ट करण्यासाठी फॉलो करा हे टेस्टी मार्ग!

Jun 01, 2024 10:26 AM IST

World Milk Day 2024: क्रीमी स्मूदीपासून ते पनीर रेसिपीपर्यंत, दूध आणि इतर दुग्धजन्य पदार्थांचा आनंद घेण्याचे असंख्य मार्ग आहेत.

जागतिक दूध दिवस - आहारात दूध समाविष्ट करण्याचे मार्ग
जागतिक दूध दिवस - आहारात दूध समाविष्ट करण्याचे मार्ग (Pixabay)

Ways to Add Milk To Diet: दूध हा आपल्या दैनंदिन आहाराचा एक आवश्यक भाग आहे आणि अनेक महत्वाच्या पोषक घटकांचा साठा आहे. दररोज एक ग्लास दूध प्यायल्याने आपल्याला कॅल्शियमचा योग्य डोस तर मिळतोच, शिवाय प्रथिने, फॉस्फरस, पोटॅशियम, आयोडीन, राइबोफ्लेविन आणि पॅंटोथेनिक अॅसिड सारख्या इतर महत्त्वपूर्ण पोषक घटकदेखील मिळतात. दूध व्हिटॅमिन बी १२ ची दैनंदिन आवश्यकता पूर्ण करण्यास देखील मदत करते, विशेषत: शाकाहारी लोकांसाठी. दूध मेंदूच्या विकासास, निरोगी रक्तदाब राखण्यास, निरोगी रोगप्रतिकारक कार्यास समर्थन देण्यास आणि स्नायू, हाडे आणि दात मजबूत ठेवण्यास मदत करते.

ट्रेंडिंग न्यूज

दरवर्षी १ जून हा दिवस जागतिक दूध दिन (world milk day) म्हणून साजरा केला जातो. संयुक्त राष्ट्रसंघाच्या अन्न व कृषी संघटनेने २००१ साली जगभरातील लोकांसाठी डेअरीच्या फायद्यांचा प्रचार करण्यासाठी हा दिवस तयार केला होता. आपल्या आहारात दूध समाविष्ट करण्यासाठी येथे काही टेस्टी मार्ग आहेत.

स्मूदी

स्मूदी एक डिलाइटफूल ब्लेंडेड ड्रिंक आहे जे दही, ताजी फळे आणि बदाम किंवा पीनट बटरच्या समृद्धीची सांगड घालते. आपल्या दिवसाची सुरुवात पौष्टिक आणि चवदार पद्धतीने करण्यासाठी हा एक विलक्षण पर्याय आहे.

लाटे

रात्री झोप येण्यासाठी आरामदायक लाटेचा आस्वाद घ्या. एखादा ग्लास सेंद्रीय दूध उकळा. त्यात सुरुवातीला ३-४ केशर धागे टाका, १/४ टीस्पून दालचिनी, आणि १/४ टीस्पून हळद तसेच थोडा काळी मिरी पावडर टाका. हळूहळू दूध उकळवा जेणेकरून या पदार्थांचा सुगंध आणि फायदे त्यात मिसळतील.

भिजवलेले ओट्स

भिजवलेले ओट्स किंवा ओव्हरनाइट ओट्स तयार करून पौष्टिक नाश्ता पर्याय तयार करा. फक्त २-३ चमचे ओट्स १/२ कप दही, ३-४ चमचे बेरी, १/२ कप आपल्या आवडते फळ, ४-५ भाजलेले नट्स आणि २ चमचे डार्क चॉकलेट चिप्स फ्रिजमध्ये रात्रभर जारमध्ये भिजत ठेवा. दुसऱ्या दिवशी सकाळी तुमच्याकडे एक स्वादिष्ट आणि पौष्टिक मीलचा आनंद घेण्यासाठी तयार असेल.

टोमॅटो बेसिल सूपबरोबर तळलेल्या भाज्या

हलक्या-फुलक्या आणि स्वादिष्ट रात्रीच्या जेवणासाठी अंदाजे ४० ग्रॅम नैसर्गिक किसलेले चीजसोबत तळलेल्या भाज्या ट्राय करा. ताज्या भाज्या नीट तळून घ्या. नंतर अंदाजे ४० ग्रॅम किसलेले नैसर्गिक चीज शिंपडा, ज्यामुळे ते वितळण्यास आणि मलईदार आणि टेस्टी लेप तयार होईल. टोमॅटो बेसिल सूपसोबत तळलेल्या भाज्या सर्व्ह करा.

ग्रिटेड पनीर

टोमॅटो, लेट्यूस किंवा वांगी सारख्या भाज्यांच्या तुकड्यांवर मसालेदार किसलेले पनीर लेयर करून प्रथिनयुक्त आणि चवदार संध्याकाळचा स्नॅक घ्या. पनीर किसून आणि आपल्या आवडीच्या मसाल्यांसह मसाला तयार करा. नंतर किसलेले पनीर फिलिंग म्हणून एकत्र करा. टोमॅटो, लेट्यूस किंवा वांगी सारख्या ताज्या भाज्यांच्या स्लाईसवर पनीर घाला. पनीर सोनेरी होईपर्यंत आणि भाज्या नरम होईपर्यंत हे बेक करा.

WhatsApp channel