World Lung Cancer Day: स्मोकिंग शिवाय या गोष्टीही पोहोचवतात तुमच्या फुफ्फुसांना हानी!
मराठी बातम्या  /  लाइफस्टाइल  /  World Lung Cancer Day: स्मोकिंग शिवाय या गोष्टीही पोहोचवतात तुमच्या फुफ्फुसांना हानी!

World Lung Cancer Day: स्मोकिंग शिवाय या गोष्टीही पोहोचवतात तुमच्या फुफ्फुसांना हानी!

Jul 30, 2024 01:08 PM IST

Lung Cancer in Marathi: वर्ल्ड हेल्थ ऑर्गनायझेशन नुसार, कर्करोगामुळे होणाऱ्या प्रत्येक पाचपैकी एक मृत्यू फुफ्फुसाच्या कर्करोगाने होतो. फुफ्फुसाचा कर्करोग हा स्तन, कोलन आणि प्रोस्टेट कर्करोगापेक्षा जास्त प्राणघातक आहे.

फुफ्फुसांना हानी पोहोचवणाऱ्या गोष्टी
फुफ्फुसांना हानी पोहोचवणाऱ्या गोष्टी (unsplash)

Things That Damage Lungs: फुफ्फुसाच्या कमकुवतपणामुळे आणि ऑक्सिजनच्या कमतरतेमुळे मृत्यू झाल्याचे अनेक उदाहरण तुम्ही पाहिले असतील. फुफ्फुसांबद्दल बोलायचे तर ते स्पंज, हवेने भरलेले अवयव आहेत, जे छातीच्या दोन्ही बाजूला असतात. ते व्यक्तीला ऑक्सिजन घेण्यास आणि कार्बन डायऑक्साइड बाहेर टाकण्यास मदत करतात. लंग फेलियर अत्यंत घातक ठरू शकते. वर्ल्ड हेल्थ ऑर्गनायझेशन (WHO) नुसार, फुफ्फुसाचा कर्करोग हा कर्करोगाच्या मृत्यूंपैकी सुमारे २५ टक्के मृत्यूसाठी जबाबदार आहे आणि जगभरातील सर्वात सामान्य कर्करोगांपैकी एक आहे. फुफ्फुसांच्या कर्करोगाशी संबंधित आव्हाने आणि धोक्यांबद्दल जागरूकता निर्माण करण्यासाठी, दरवर्षी १ ऑगस्ट रोजी जागतिक फुफ्फुस कर्करोग दिन (world lung cancer day) साजरा केला जातो.

इंटरनॅशनल एजन्सी फॉर रिसर्च ऑन कॅन्सर (IARC) च्या मते, २०२० मध्ये कर्करोगाची नवीन प्रकरणे १९.३ दशलक्ष वरून २०४० मध्ये ३०.२ दशलक्ष होतील. भारतात २०४० पर्यंत कर्करोगाच्या नवीन रुग्णांची संख्या २ दशलक्षांपर्यंत वाढेल. पर्यावरणीय आणि जीवनशैलीचे घटक कर्करोगासाठी प्रमुख जोखीम घटक आहेत. त्यामुळे ५०% पर्यंत कर्करोग टाळता येऊ शकतात. अशा परिस्थितीत आपण धुम्रपान करण्याव्यतिरिक्त कोण कोणत्या गोष्टी करतो ज्यामुळे फुफ्फुसांना हानी पोहोचते हे ओळखायला हवे. जाणून घ्या याबाबत सविस्तर.

आपल्या फुफ्फुसांना हानी पोहोचवणाऱ्या गोष्टी

मोल्ड

जास्त ओलावा असल्यास, बुरशी वाढू शकते आणि तुमच्या वायुमार्गासाठी हानिकारक असू शकते.

रसायने

विषारी वायू, क्लोरीन, साफसफाईचा पुरवठा आणि इतर गोष्टींसोबतच रसायनांनी भरलेल्या हवेत श्वास घेतल्याने तुम्हाला फुफ्फुसाच्या आजाराचा धोका होऊ शकतो.

धूळ

फुफ्फुसाच्या ऊतींमध्ये कालांतराने धूळ आणि कण जमा होऊ शकतात, जे वायुमार्गांना इजा करतात.

प्रदूषण

वायू प्रदूषकांमध्ये श्वास घेतल्याने तुमच्या वायुमार्गांना त्रास होतोच. पण त्यामुळे फुफ्फुसाचे दीर्घकालीन नुकसान देखील होऊ शकते.

फुफ्फुस निरोगी ठेवण्यासाठी टिप्स

- जास्त रहदारी आणि वायू प्रदूषण असलेल्या भागात व्यायाम करणे टाळा. कारण प्रदूषणाची पातळी जितकी जास्त असेल तितका तुमच्या फुफ्फुसांना धोका जास्त असतो.

- साफ सफाई करताना मास्क घाला.

- फ्रेश हवेत प्राणायाम करा.

- प्रदूषक, एलर्जी आणि विषारी पदार्थांपासून हवा स्वच्छ करणाऱ्या एअर प्युरिफायर वापरा.

- शॉवर साख्या ठिकाणी भरपूर ओलावा असतो, अशा जागा मोल्डपासून स्वच्छ ठेवा.

- योग आणि प्राणायामला तुमच्या रुटीनचा भाग बनवा.

(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)

Whats_app_banner