World Food Day: निरोगी राहण्यासाठी बेस्ट आहेत या गोष्टी, रोजच्या आहारात करा समावेश
World Food Day 2023: निरोगी आरोग्यासाठी निरोगी आहार खूप महत्त्वाचा आहे. तुम्हाला निरोगी आयुष्य जगायचे असेल तर रोजच्या आहारात कोणत्या गोष्टी घेतल्या पाहिजे, हे जाणून घ्या.
Things To Take In Daily Diet To Stay Healthy: प्रत्येकाला हे चांगलेच समजले आहे की कोणत्याही रोगाशी लढण्यासाठी आपल्या शरीराची रोगप्रतिकारक शक्ती निरोगी असणे खूप महत्वाचे आहे. दरवर्षी १६ ऑक्टोबर रोजी जागतिक अन्न दिन साजरा केला जातो. हा दिवस साजरा करण्यामागचा उद्देश लोकांना भूक आणि उपासमारीविषयी जागरुकता निर्माण करणे हा आहे. संयुक्त राष्ट्रांच्या अन्न आणि कृषी संघटनेची स्थापना १९४५ साली झाली. या दिवशी लोकांना अन्न सुरक्षा आणि पौष्टिक आहाराची गरज याबद्दल जागरूक केले जाते. अशा परिस्थितीत लोकांना चवीपेक्षा पौष्टिक अन्नाची गरज समजून घ्यावी लागेल. चला तर मग जाणून घेऊया आरोग्यासाठी फायदेशीर सकस आहाराबद्दल.
आले
रोगप्रतिकार शक्ती वाढवण्यासोबतच आले शरीराला उबदार ठेवते. तुम्ही तुमच्या आहारात आल्याचाही समावेश करू शकता. यामध्ये प्रथिने, चरबी, प्रतिकारशक्ती वाढवणारे आणि कार्बोहायड्रेट असतात.
हिरव्या भाज्या आणि फळे
हिरव्या पालेभाज्यांमध्ये जीवनसत्त्वे आणि कॅल्शियम भरपूर प्रमाणात असते. आता हिरव्या भाज्यांचा हंगाम येणार आहे. अशा परिस्थितीत तुम्ही तुमच्या आहारात हिरव्या भाज्या, पालक, मेथी यासारख्या गोष्टींचा समावेश करू शकता. हे चवीला चविष्ट असून आरोग्यासाठीही खूप फायदेशीर आहे. याशिवाय फळांमध्ये सुद्धा भरपूर पोषण असते. रोजच्या आहारात फळे आणि भाज्या खाणे फायदेशीर आहे.
रताळे
रताळ्यामध्ये कार्बोहायड्रेट्सचे प्रमाण चांगले असते. याशिवाय याला फायबरचे पॉवर हाऊस असेही म्हणतात. यामध्ये असलेले पोटॅशियम, व्हिटॅमिन बी-६ आणि बीटा कॅरोटीन रोगप्रतिकार शक्ती वाढवण्यास मदत करतात. शिवाय हे एलर्जीपासून देखील संरक्षण करते.
हळद
वास्तविक रोजच्या जेवणात मसाला म्हणून त्याचा वापर केला जातो. हे खाल्ल्याने स्मरणशक्ती सुधारते आणि मूडही सुधारतो. तसेच वजन कमी करण्यास मदत होते.
(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)
संबंधित बातम्या