World Coffee Day: जनावरांच्या विष्टेपासून बनतात ३ प्रकारच्या कॉफी, एक आहे जगातील सर्वात महागडी
coffee made from animal poop: जगातील सर्वात चविष्ट कॉफी इतकी महाग आहे की त्यासाठी तुम्हाला खूप पैसे खर्च करावे लागतात. या कॉफीची चव तुम्हाला नक्कीच आवडेल, पण ती कशी बनवायची हे जाणून तुम्ही कॉफी पिणे थांबवू शकता.
Types of coffee: चहाप्रमाणेच जगभरात कॉफीप्रेमींची कमतरता नाही. अनेकजण आपल्या दिवसाची सुरुवात या गोष्टीने करतात. त्याचा वास कॉफी पिणाऱ्यांना वेड लावतो. एखाद्याला कॉफी पिण्याची सवय लागली तर तो त्याची वेगवेगळी चव ट्राय करतो. त्याच्या वेगवेगळ्या बीन्सची चव वेगवेगळी असते. जगातील सर्वात चविष्ट कॉफी इतकी महाग आहे की त्यासाठी तुम्हाला खूप पैसे खर्च करावे लागतात. या कॉफीची चव तुम्हाला नक्कीच आवडेल, पण ती कशी बनवायची हे जाणून तुम्ही कॉफी पिणे थांबवू शकता. होय, काही कॉफी आहेत ज्या प्राण्यांच्या विष्टेपासून बनवल्या जातात. आज १ ऑक्टोबरला आंतरराष्ट्रीय कॉफी दिनानिमित्त जाणून घेऊया प्राण्यांच्या विष्टेपासून बनवलेल्या ३ कॉफीबद्दल.
१) लुवाक कॉफी-
सिवेट कॉफी ही एशियन पाम सिवेटच्या विष्टेमधून गोळा केलेल्या बीन्सपासून बनवलेली एक खास कॉफी आहे. जी आपल्याला इंडोनेशियामध्ये मिळेल. सिवेट हे पिकलेली कॉफी चेरी खातात. आणि मग या कॉफी त्याच्या आतड्यांमध्ये एक अनोखी किण्वन प्रक्रिया पार पाडतात आणि नंतर एक-दोन दिवसांनी क्लस्टरमध्ये बाहेर येतात. मग काढणीनंतर हे प्रक्रिया केलेले बीन्स सर्वात महागडे कॉफी बीन्स म्हणून जगभरात विकले जातात.
२) ब्लॅक आयव्हरी कॉफी-
सर्वात महागडी कॉफी बीन्स आहे जी हत्तीच्या विष्टेपासून एकत्र केलेल्या बीन्सपासून बनविली जाते. इतरांप्रमाणेच त्याची प्रक्रियाही तशीच आहे. मात्र, हत्ती थेट झाडांवरील चेरी खाण्याऐवजी हाताने निवडलेले थाई अरेबिका चेरी हत्तींनाखाण्यात दिले जातात. थायलंडमध्ये तुम्ही ही कॉफी खरेदी करू शकता.
३) जॅक बर्ड पूप कॉफी-
ब्राझीलमधील सर्वात मोठे कॉफी उत्पादन आहे. इथली खास कॉफी ब्राझिलियन पक्ष्यांच्या पोटी गोळा केली जाते. ब्राझीलमध्ये जाकू पक्षी पिकलेली कॉफी चेरी खातात आणि मग त्यांच्या पोटी बीन्स गोळा करून स्वच्छ करतात आणि मग भाजल्यानंतर खास कॉफी बीन्स तयार केले जातात.
कॉफी पिण्याचे फायदे-
-टाइप २ मधुमेहाचा धोका कमी-
अभ्यासात असे दिसून आले आहे की, कॉफीच्या सेवनाने टाइप २ मधुमेहाचा धोका कमी होतो. २०१४ च्या अभ्यास अहवालानुसार, ४० हजारांहून अधिक लोकांवर संशोधन करण्यात आले आणि असे आढळून आले की, जे चार वर्षांमध्ये दररोज किमान एक कप कॉफी पितात त्यांना टाइप २ मधुमेहाचा धोका ११ टक्क्यांनी कमी होतो. मात्र, मधुमेहाच्या रुग्णांनी डॉक्टरांच्या सल्ल्यानेच कॉफीचे सेवन करावे.
-यकृताच्या कर्करोगाचा धोका कमी होतो
एका अभ्यासानुसार, कॉफीच्या सेवनाने यकृताच्या कर्करोगाचा धोका कमी होतो. यूएस मध्ये केलेल्या एका अभ्यासात असे दिसून आले आहे की, जे लोक दररोज दोन ते तीन कप कॉफी पितात त्यांना हेपॅटोसेल्युलर कार्सिनोमा आणि तीव्र यकृत रोग होण्याचा धोका कमी होतो.
(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)
