मराठी बातम्या  /  लाइफस्टाइल  /  Women's Day 2024: प्रत्येक महिलेला इतरांकडून हव्या असतात या गोष्टी, खूप महत्त्वाच्या आहेत

Women's Day 2024: प्रत्येक महिलेला इतरांकडून हव्या असतात या गोष्टी, खूप महत्त्वाच्या आहेत

Hiral Shriram Gawande HT Marathi
Mar 06, 2024 11:22 PM IST

International Women's Day 2024: समाजातील महिलांचा दर्जा सुधारावा या उद्देशाने जागतिक महिला दिन साजरा केला जातो. पण या काही गोष्टींशिवाय महिलांचे सक्षमीकरण होणार नाही. महिलांना दुसऱ्यांकडून कोणत्या गोष्टीची अपेक्षा असते ते जाणून घ्या.

जागतिक महिला दिन - महिलांना इतरांकडून हव्या असणाऱ्या गोष्टी
जागतिक महिला दिन - महिलांना इतरांकडून हव्या असणाऱ्या गोष्टी (unsplash)

Things Women Wants From Others: आंतरराष्ट्रीय महिला दिन दरवर्षी ८ मार्च रोजी साजरा केला जातो. हा दिवस साजरा करण्यामागचा उद्देश महिलांना समाजात समान हक्क मिळवून देणे हा आहे. आरोग्याच्या समस्यांपासून ते घर, ऑफिस आणि कामाच्या ठिकाणी त्यांना समानतेने वागणूक मिळावी हा महिला दिन साजरा करण्यामागचा उद्देश आहे. जर तुम्ही तुमच्या आजूबाजूच्या महिलांच्या सन्मानार्थ महिला दिनानिमित्त काही खास करण्याचा विचार करत असाल, तर सर्वप्रथम स्त्रीला तिच्या आजूबाजूच्या लोकांकडून काय हवे आहे हे जाणून घेणे महत्त्वाचे आहे. या यादीत केवळ पुरुषच नाही तर महिलांचाही समावेश आहे. अनेकदा कुटुंबात आणि समाजात एखादी स्त्री दुसऱ्या महिलेशी चुकीची वागणूक करताना दिसते. त्यामुळे प्रत्येक स्त्रीला समोरच्या व्यक्तीकडून काय अपेक्षा असतात हे जाणून घेणे गरजेचे आहे.

आदर

प्रत्येक स्त्री ही आदर मिळवण्यासाठी पात्र असते. मग ती गृहिणी असो किंवा वर्किंग वुमन. महिलांचा केवळ बाहेरच नाही तर घरातही सन्मान होणे महत्त्वाचे आहे आणि एक महिलाच इतरांसाठी याची सुरुवात करू शकते.

सपोर्ट

प्रत्येक स्त्रीला सन्मानासोबतच तिच्या कामासाठी आणि आरोग्यासाठी इतरांकडून पाठिंबा हवा असतो. स्त्री असो की पुरुष, तिला तिच्या कामासाठी सहकार्य मिळत असेल तर ती सर्व कामे सहज करू शकते.

कृतज्ञता

स्त्रीबद्दल आदर आणि तिच्या कामाबद्दल कृतज्ञता हीच तिला शक्ती देते. ज्याच्या मदतीने ती सर्वात कठीण कामे देखील पूर्ण करू शकते. जर तुम्हाला एखाद्या स्त्रीला काहीतरी द्यायचे असेल तर तिच्याबद्दल आदर, सपोर्ट आणि कृतज्ञता खूप महत्वाची आहे.

आत्मविश्वास वाढवणे

जर तुम्हाला एखाद्या महिलेसाठी काही करायचे असेल तर तिला मोटिव्हेट करा. तिचा आत्मविश्वास वाढवा. स्त्री ही कोणत्याही व्यक्तीकडून या गोष्टीची अपेक्षा करते. विशेषत: तिच्या आजूबाजूच्या आणि तिच्याशी संबंधित लोकांकडून, तिला तिचा आत्मविश्वास कमी करणारे शब्द ऐकायचे नसतात.

प्रेम आणि विश्वास

महिलांचा कल सामाजिक संबंध जपण्याकडे असतो. विशेषत: ते नाते ते तिच्यासाठी प्रिय आहेत. आई, बहीण, मुलगी, पत्नी, तिला प्रत्येक रूपात प्रेम आणि विश्वास हवा असतो. महिला दिनानिमित्त तुम्हाला काही खास करायचं असेल तर तुमच्या आजूबाजूच्या महिलांना या गोष्टी नक्की द्या.

(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)

विभाग