मराठी बातम्या  /  लाइफस्टाइल  /  Insurance-Related Questions: महिलांनी नोकरी जॉईन करताना कंपनीला हे विमा संबंधित हे प्रश्न जरूर विचारावेत!

Insurance-Related Questions: महिलांनी नोकरी जॉईन करताना कंपनीला हे विमा संबंधित हे प्रश्न जरूर विचारावेत!

Tejashree Tanaji Gaikwad HT Marathi
Feb 23, 2024 08:32 PM IST

Women Career: जर तुम्ही एक महिला असाल आणि नवीन नोकरी जॉईन करत असाल तर तुम्ही कोणते विमा संबंधित प्रश्न तुमच्या कंपनीच्या HR ला विचारले पाहिजेत, हे जाणून घेऊयात.

Women must ask these insurance related questions to the company
Women must ask these insurance related questions to the company (Freepik)

Career Tips: जेव्हा आपल्याला नोकरी मिळते किंवा अपन नोकरीच्या शोधात असतो तेव्हा,कंपनीबद्दल अधिक चांगल्या प्रकारे समजून घेण्यासाठी HR आपल्याला मदत करतो. नोकरीच्या भूमिकेबद्दल आणि इतर फायद्यांबद्दल आपण एच आर ला प्रश्न विचारु शकतो. पण जर तुम्ही एक महिला असाल तर तुम्ही HR टीमला विम्याशी संबंधित प्रश्न विचारले पाहिजेत जेणेकरून गरज पडल्यास तुमच्या खिशावर भार पडणार नाही. त्या प्रश्नांबद्दल जाणून घेऊया.

हे प्रश्न विचारू शकते महिला

> सर्वप्रथम, तुम्हाला हे माहित असणे आवश्यक आहे की कंपनी किती आरोग्य विमा आणि वैद्यकीय सुविधा कव्हर करते आणि त्यांच्याशी संबंधित नियम काय आहेत. तुम्ही अद्याप विवाहित नसल्यास, तुम्हाला तुमच्या लग्नानंतरच्या नियमांबद्दल प्रश्न असू शकतात.जसे मुलाच्या जन्मानंतर कोणत्या सुविधा उपलब्ध करून दिल्या जातील आणि मुलाला कोणत्याही आजारामुळे हॉस्पिटलमध्ये दाखल केले तर कंपनीकडून किती उपचार केले जाऊ शकतात.

> विम्यामध्ये कौटुंबिक संरक्षण आहे की नाही हे देखील महिलांनी स्पष्टपणे विचारले पाहिजे. तसेच, ते आई-वडील किंवा सासरच्यांना कव्हर करतात की नाही? नोकरीत रुजू झाल्यानंतर काही वर्षांनी एखाद्याचे लग्न झाले तर आई-वडील आणि सासरच्या मंडळींना यात सामावून घेता येईल का? बऱ्याच वेळा कंपन्या टक्केवारीच्या आधारे नॉमिनी ठरवण्याचा पर्याय देतात आणि यामध्ये दोन्ही बाजूंच्या पालकांना (आई-वडील आणि सासरे) समाविष्ट करण्याचा पर्याय देखील दिला जातो.

Best Career Option: मुलींनो काही तरी हटके करिअर पर्याय शोधताय? बनू शकता रेफरी!

> जेव्हा एखादी महिला कंपनीत काम करत असेल तेव्हा तिने वेळोवेळी विमा मर्यादा वाढविण्याबाबत विचारले पाहिजे. नोकरीत रुजू होत असताना, विमा मर्यादा किती वेळानंतर वाढवली जाईल हे तुम्ही विचारू शकता. अहवालानुसार, नियमांनुसार विमा सीटीसीच्या ८ ते १० पट असावा. म्हणजे २० लाखांचे पॅकेज असेल तर २ कोटी रुपयांचा विमा असावा. यामध्ये वैयक्तिक आणि कार्यालयीन विम्याचा समावेश आहे.

> लग्नानंतर, प्रसूती रजा आणि विम्याबद्दल नक्कीच विचारा. ज्यामध्ये महिलांनी प्रसूती रजेदरम्यान त्यांना मिळणारा पूर्ण पगार याबद्दल तपशीलवार चर्चा करावी.

> कंपनीचा टर्म इन्शुरन्स अपघातांना कवच देतो का आणि कायमस्वरूपी अपंगत्वाबाबत कंपनीच्या विम्यात काही तरतूद आहे का हे पुरुष आणि महिला कर्मचाऱ्यांनी विचारले पाहिजे.

> महिला असो की पुरुष, निवृत्तीनंतर ही योजना मिळेल की नाही हा प्रश्न कोणीही विचारू शकतो.

> विम्यामध्ये कार्यालयाकडून किती संरक्षण दिले जाते? हे रोख आहे की कॅशलेस? तसेच, स्त्रीला आजारी रजेचा अधिकार आहे. नियमांवरही चर्चा व्हायला हवी, जेणेकरून महिलेच्या पगारात कपात होणार नाही.

WhatsApp channel

विभाग