मराठी बातम्या  /  लाइफस्टाइल  /  Women Day Skin Care: फ्लॉलेस ग्लोइंग स्किनसाठी चेहऱ्यावर लावा चारोळी, महिला दिनापूर्वी मिळेल चमकती त्वचा

Women Day Skin Care: फ्लॉलेस ग्लोइंग स्किनसाठी चेहऱ्यावर लावा चारोळी, महिला दिनापूर्वी मिळेल चमकती त्वचा

Hiral Shriram Gawande HT Marathi
Mar 01, 2024 12:23 PM IST

Chironji Face Pack: आंतरराष्ट्रीय महिला दिनी तुम्हाला खास दिसायचे असेल तर आतापासून काही गोष्टी फॉलो करा. फ्लॉलेस आणि ग्लोइंग स्किन मिळविण्यासाठी चारोळीचा फेस पॅक कसा लावायचा ते जाणून घ्या.

चारोळीचे फेस पॅक
चारोळीचे फेस पॅक

Charoli Face Pack for Flawless Glowing Skin: खरी असो वा बासुंदी, गोड पदार्थ बनवताना त्यात चारोळी किंवा चिरोंजी वापरतात. पण तुम्हाला माहीत आहे का की याचा वापर स्किन केअरमध्ये सुद्धा केला जाऊ शकतो. चारोळीचा फेस पॅक केवळ चेहऱ्याला नैसर्गिक चमक देत नाही तर तो त्वचा आतून हायड्रेट ठेवतो. त्यात अँटिऑक्सिडंट्स, जीवनसत्त्वे आणि नॅचरल ऑइल असतात, जे त्वचेला मॉइश्चरायझ करतात. याशिवाय, ते त्वचेतील मृत पेशी साफ करण्यास मदत करते आणि डागांपासून देखील मुक्त करते. या महिला दिनाला तुम्हाला खास दिसायचे असेल तर तुम्ही चारोळीचे फेस पॅक लावू शकता. हा फेस पॅक कसा तयार करायचा ते जाणून घ्या.

निर्दोष ग्लोसाठी लावा हा पॅक

फ्लॉलेस ग्लो मिळवण्यासाठी एका वाटीत दोन चमचे चारोळीची पेस्ट आणि एक चमचा चंदन पावडर मिक्स करा. हे नीट मिक्स करा. त्याची गुळगुळीत पेस्ट बनवण्यासाठी त्यात गुलाब जल टाका. आता ही तयार झालेली पेस्ट चेहऱ्यावर लावा. साधारण २० ते २५ मिनिटे राहू द्या आणि नंतर धुवा.

फ्रेश स्किनसाठी एलोवेरासोबत बनवा पॅक

हा फेस पॅक बनवण्यासाठी एका वाटीत दोन चमचे चारोळीची पेस्ट आणि दोन चमचे एलोवेरा जेल घ्या. ते चांगले मिक्स करा आणि नंतर चेहऱ्यावर लावा. साधारण १५-२० मिनिटांनी चेहरा धुवा. हा पॅक लावल्याने तुमचा चेहरा तर चमकेलच पण हायड्रेशनमध्येही मदत होईल.

मधासोबत मिक्स करा चारोळी

हा फेस पॅक बनवण्यासाठी एका लहान वाटीत एक चमचा चारोळीची पेस्ट घ्या आणि नंतर त्यात मध आणि थोडी दुधाची साय टाका. हे सर्व नीट मिक्स करा. आता हा पॅक चेहऱ्यावर लावा आणि १५-२० मिनिटे राहू द्या. नंतर कोमट पाण्याने धुवा.

चारोळीमध्ये मिसळा तांदळाचे पीठ

त्वचेतील मृत पेशी काढून टाकण्यासाठी एका वाटीत दोन चमचे चारोळीची पेस्ट आणि एक चमचा तांदळाचे पीठ मिक्स करा. हे चांगले मिक्स केल्यानंतर चेहऱ्यावर लावा आणि सर्कुलर मोशनमध्ये मसाज करा. साधारण २०-२५ मिनिटांनी धुवा.

(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)

WhatsApp channel

विभाग