Winter Trip: हिवाळ्यात सहलीला जायचा बेत आखताय? मग 'या' ५ टिप्स न चुकता फॉलो करा
Tips for winter trip: तुम्ही हिवाळ्यात बाहेर फिरायला जात असाल तर काही गोष्टींची विशेष काळजी घेणं तुमच्यासाठी गरजेचं आहे.
what to take care while going on trip in winter: काही लोकांना हिवाळ्यात वेगवेगळ्या ठिकाणी भेट द्यायला आवडते. अशा परिस्थितीत हिवाळा येताच लोक अनेकदा कुठेतरी सहलीचा बेत करतात. अर्थात, हिवाळ्याच्या काळात तुम्ही सूर्यप्रकाश आणि घामाची चिंता न करता मुक्तपणे प्रवासाचा आनंद घेऊ शकता. पण जर तुम्ही हिवाळ्यात बाहेर फिरायला जात असाल तर काही गोष्टींची विशेष काळजी घेणं तुमच्यासाठी गरजेचं आहे.
हिवाळ्यात प्रवास हा एक रोमांचक अनुभव असतो. पण हिवाळ्यात प्रवास करताना काही गोष्टींकडे दुर्लक्ष करणे तुमच्यासाठी हानिकारक ठरू शकते. याशिवाय तुमची सहल बिघडण्याचा धोका आहे. म्हणूनच, आम्ही तुमच्यासोबत हिवाळ्यातील प्रवासाच्या काही टिप्स शेअर करणार आहोत, त्या लक्षात घेऊन तुम्ही तुमच्या प्रवासाचा पुरेपूर आनंद घेऊ शकता.
हवामानाची माहिती मिळवा-
थंडीच्या दिवसांत विचार न करता कुठेही जाण्याचे नियोजन करणे टाळावे. विशेषतः पर्वतांमध्ये, हिवाळ्यात बर्फ सरकण्याची आणि बर्फाचे वादळ होण्याची शक्यता असते. त्यामुळे सहलीला जाण्यापूर्वी त्या ठिकाणचा भूगोल आणि हवामान निश्चितपणे तपासा. तसेच, हिवाळ्यात भेट देण्यासाठी सुरक्षित ठिकाण निवडा.
पॅकिंगकडे लक्ष द्या-
हिवाळ्यात एका ठिकाणाहून दुस-या ठिकाणी जाताना अनेक वेळा अचानक थंडी वाढते. अशा परिस्थितीत, जर तुमच्याकडे गरम कपडे नसतील तर तुम्हाला जास्त थंडी वाटू शकते आणि तुमचा संपूर्ण प्रवास खराब होऊ शकतो. त्यामुळे पॅकिंग करताना स्वेटर, जॅकेट, पायमोजे, शूज, स्कार्फ ठेवा. तसेच शरीर उबदार ठेवण्यासाठी ड्राय फ्रूट्स, च्यवनप्राश आणि हेल्दी ड्रिंक्स पॅक करा. जेणेकरून तुम्ही थंडीची भीती न बाळगता प्रवासाचा पूर्ण आनंद घेऊ शकाल.
हॉटेलचे प्री-बुकिंग करा-
प्रवास करताना, काही लोकांना गंतव्यस्थानावर पोहोचल्यानंतर ऑफलाइन हॉटेल्स बुक करणे आवडते. परंतु हिवाळ्यात, तुम्हाला नवीन ठिकाणी हॉटेल शोधण्यात अडचण येऊ शकते. तसेच तुम्हाला हॉटेल खूप महाग देखील वाटू शकते. त्यामुळे घराबाहेर पडताना नक्कीच ऑनलाइन हॉटेल बुक करा. यामुळे तुमचा वेळही वाचेल आणि दगदगही होणार नाही.
महत्त्वाच्या गोष्टी ठेवायला विसरू नका-
हिवाळ्यात सहलीला जाण्यापूर्वी पोटात गॅस, सर्दी, खोकला आणि ताप यासारखी सामान्य औषधे पॅक करा. याशिवाय प्रवासात गरम पाणी, चहा किंवा कॉफी थर्मो फ्लास्कमध्ये ठेवायला विसरू नका. तसेच, तुमच्या डोळ्यांचे रक्षण करण्यासाठी तुमच्या बॅगमध्ये सनग्लासेस ठेवा. हिवाळ्यात जास्त सामान घेऊन प्रवास करणे टाळा.
मेडिसिन किट तयार करा-
एक औषध किट तयार ठेवा, ज्यामध्ये सामान्य ताप, फ्लू, ऍलर्जी आणि सर्दी यासाठी औषधे असतात. तसेच गॅस, उलटी, पोटदुखी, डायझिन, पुदीन हारा यासारखी छोटी औषधे सोबत ठेवायला विसरू नका. शक्य असल्यास डेटॉलची एक छोटी बाटली आणि काही कापसाचे गोळे सोबत ठेवा. जर तुम्ही बीपी किंवा मधुमेहाचे रुग्ण असाल तर डॉक्टरांचा सल्ला घेतल्यानंतर औषधे ठेवण्यास विसरू नका.
