Ghee Moristurizer: हिवाळ्यात मऊ त्वचा मिळवण्यासाठी तुपापासून असे बनवा मॉइश्चरायझर, ड्रायनेस होईल दूर
Winter Skin Care Tips: हिवाळ्यात कोरड्या त्वचेची समस्या कॉमन आहे. अशा परिस्थितीत तूप फायदेशीर ठरते. तुपामध्ये असलेल्या पौष्टिक घटकांमुळे त्वचा मऊ होऊ शकते. जाणून घ्या तुपापासून मॉइश्चरायझर कसे बनवावे.
Tips To Make Moisturizer With Ghee: थंडीच्या दिवसात त्वचा कोरडी होणे, निस्तेज दिसणे हे खूप सामान्य आहे. अशा परिस्थितीत चेहऱ्याचे सौंदर्य वाढवण्यासाठी महिला विविध उपायांचा अवलंब करतात. या ऋतूमध्ये क्रिम्स, फेस मास्क आणि महागडे ब्युटी ट्रीटमेंट घेतल्यानंतरही लोकांच्या त्वचेत फारसा फरक दिसत नाही. अशा परिस्थितीत त्वचेची काळजी घेण्यासाठी योग्य गोष्टींचा वापर करणे महत्त्वाचे असते. त्वचा आणखी सुंदर बनवण्यासाठी तूप वापरू शकता. तूप ओमेगा फॅटी अॅसिडस् आणि अँटीऑक्सिडंट्सने समृद्ध आहे आणि ते फ्री रॅडिकल्सला दूर ठेवण्यास आणि त्वचेचे पोषण करण्यास मदत करू शकते. हे लावल्याने त्वचेला ओलावा येतो. त्याच्या मदतीने तुम्ही घरी मॉइश्चरायझर तयार करू शकता. जाणून घ्या तुपापासून मॉइश्चरायझर बनवण्याची पद्धत आणि त्याचे फायदे.
तुपापासून मॉइश्चरायझर कसे बनवायचे
हे मॉइश्चरायझर बनवण्यासाठी स्वच्छ, कोरड्या भांड्यात थोडेसे तूप घ्या. त्यात समान प्रमाणात कोमट पाणी मिक्स करा. हे चांगले मिसळा आणि सेट होऊ द्या. हे गोठल्यावर त्यातील पाणी काळजीपूर्वक काढून टाका. नंतर ही प्रक्रिया पुन्हा करा. असे ५-६ वेळा केल्यावर क्रीम तयार होईल.
होतात हे अनेक फायदे
- त्वचेला खोलवर मॉइश्चरायझ करण्यासाठी हे उपयुक्त आहे.
- हे वृद्धत्वाची चिन्हे कमी करण्यास मदत करू शकते. जसे की फाइन लाइन्स आणि सुरकुत्या.
- हे क्रीम संवेदनशील त्वचेवर लावता येते. एक्जिमा किंवा त्वचारोग यांसारख्या स्थितींसाठी हे संभावित रुपात फायदेशीर आहे.
- त्वचेचा पोत सुधारेल. हे लावल्याने त्वचा मुलायम आणि कोमल राहते.
(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)
संबंधित बातम्या