Health Tips: थंडीच्या दिवसांत आवर्जून खा मनुके! मिळतील 'हे' अमेझिंग फायदे

अन्न पचन सुधारते

तुम्ही जर तुमच्या आहारात रोज मनुका खात असाल, तर तुमची पचन संस्था मजबूत होऊ शकते. ज्या लोकांना बद्धकोष्ठतेची समस्या आहे, ज्यांचे पोट व्यवस्थित साफ होत नाही, त्यांनी रोज दुधासोबत मनुकांचे सेवन करायला हवे. यामुळे पोटाशी आणि पचनाशी संबंधित समस्या कमी होतील.

Pahadi Masoor Dal Recipe: जेवण्यासाठी बनवा पहाडी मसूर डाळ, जाणून घ्या परफेक्ट पद्धत!

लोहाची कमतरता भरून काढते

अनेकांच्या शरीरात हिमोग्लोबिनची खूप कमतरता असते. अशा लोकांना एनिमिया हा आजार होण्याची शक्यता असते. अशा लोकांनी रोज मनुका खायला हव्यात. मनुकांच्या नियमित सेवनामुळे शरीरातील लोहाची कमतरता भरून निघेल.

कॅल्शियम मिळेल

कॅल्शियमच्या कमतरतेमुळे केवळ दातच नाही, तर हाडं देखील कमजोर होतात. अनेक लोक शरीरातील कॅल्शियमची पातळी संतुलित राखण्यासाठी दररोज दूध पितात. मात्र, रोज मनुका खाऊन देखील कॅल्शियमची कमतरता भरून काढली जाऊ शकते. यामुळे दात आणि हाडे निरोगी होतील.

वजन नियंत्रित राहील

वजन कमी करण्यासाठी देखील मनुकांचे सेवन करणे फायदेशीर ठरते. मनुक्यामध्ये फायबरचे प्रमाण अधिक असते. मनुका खाल्ल्याने वारंवार भूक लागणे कमी होते. यामुळे पोटात जंकफूड जात नाही, तसेच कॅलरीज देखील कमी होतात. मनुका खाल्ल्याने कॅलरीज बर्न करण्यातही मदत मिळते.

(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)

Travel: भारतातील या गरम पाण्याच्या झऱ्यांना हिवाळ्यात द्या भेट, ठरेल बेस्ट ट्रिप!