Health Tips : हिवाळ्याच्या दिवसांत दूधात मिसळून प्या ‘या’ ४ गोष्टी, आजार राहतील चार हात दूर!

आल्याचे दूध

हिवाळ्यात दुधात थोडे आले घालून थोडा वेळ उकळून, ते दूध पिऊ शकता. यामुळे दुधाला चांगली चव तर येईलच, पण आरोग्याच्या दृष्टीनेही ते खूप फायदेशीर आहे. रोज आल्याच्या दुधाचे सेवन केल्याने आपले शरीर उबदार राहील, ज्यामुळे हंगामी आजारांचा धोका लक्षणीयरीत्या कमी होईल. याशिवाय पचनशक्तीही निरोगी राहील.

बदामाचे दूध

बदाम आणि दूध यापेक्षा चांगले संयोजन क्वचितच असू शकते. या दोन्ही गोष्टी पोषक तत्वांनी समृद्ध आहेत, आपल्या संपूर्ण आरोग्यास तसेच मेंदूच्या आरोग्यास चालना देण्याचे काम करतात. लहान मुलेही मोठ्या उत्साहाने बदाम खातात. अशावेळी हिवाळ्यात बदामाचे दूध अवश्य प्यावे. आपण दुधात बदाम पावडर घालू शकता किंवा बदामात दुधात उकळून पिऊ शकता.

Health Tips: 'या' ५ पदार्थांमध्ये आहे दुधापेक्षा जास्त कॅल्शियम, आजच आहारात करा समाविष्ट

खजूर आणि दूध

दूध आणि खजूर यांची जोडी देखील एक उत्तम हेल्थ टॉनिक आहे. शरीर उबदार ठेवण्यासाठी, पचनसंस्था निरोगी ठेवण्यासाठी आणि स्मरणशक्ती वाढविण्यासाठी देखील हे खूप उपयुक्त आहे. दररोज दुधासोबत दोन ते तीन खजूर खाल्ल्याने शरीराला फायबर, प्रथिने, कॅल्शियम, लोह, मॅग्नेशियम आणि तांबे यांसारखे पोषक घटक भरपूर प्रमाणात मिळतात. हिवाळ्यात याचा आपल्या संपूर्ण कुटुंबाच्या आहारात समावेश अवश्य करावा.

जायफळ दूध

हिवाळ्यात तुम्ही चिमूटभर जायफळ पावडर दुधात मिसळून पिऊ शकता. प्रकृतीने गरम असल्याने जायफळ शरीराला आतून उबदार ठेवण्यास मदत करते. अशा वेळी सर्दी-खोकल्यासारख्या हंगामी आजारांचा धोका खूप कमी होतो. जायफळामध्ये भरपूर प्रमाणात व्हिटॅमिन सी असते, ज्यामुळे रोगप्रतिकारशक्ती वाढते तसेच त्वचा आणि केसांना खूप फायदे मिळतात.

(या लेखात दिलेली माहिती पूर्णपणे सत्य आणि अचूक असेल असा आमचा दावा नाही. सविस्तर व अधिक माहितीसाठी संबंधित क्षेत्रातील तज्ज्ञांचा सल्ला घ्यावा. )