Kidney Stone: का होतो मुतखडा? जाणून घ्या लक्षणे आणि उपाय
What Causes Kidney Stones In Marathi: रक्त गाळताना सोडियम, कॅल्शियम आणि इतर खनिजे मूत्रमार्गाद्वारे सूक्ष्म कणांच्या रूपात मूत्राशयापर्यंत पोहोचतात आणि मूत्रमार्गे शरीरातून बाहेर टाकले जातात. जेव्हा या रसायनांचे प्रमाण रक्तात वाढते तेव्हा ते किडनीमध्ये जमा होऊन दगडासारखे तुकडे होतात,
Treatment For Kidney Stones In Marathi: किडनी हा आपल्या शरीरातील एक महत्त्वाचा अवयव आहे. ज्याचे काम रक्त फिल्टर करणे आहे. रक्त गाळताना सोडियम, कॅल्शियम आणि इतर खनिजे मूत्रमार्गाद्वारे सूक्ष्म कणांच्या रूपात मूत्राशयापर्यंत पोहोचतात आणि मूत्रमार्गे शरीरातून बाहेर टाकले जातात. जेव्हा या रसायनांचे प्रमाण रक्तात वाढते तेव्हा ते किडनीमध्ये जमा होऊन दगडासारखे तुकडे होतात, त्यामुळे मूत्राशयापर्यंत लघवी पोहोचण्याच्या मार्गात अडथळा निर्माण होतो आणि किडनी स्टोनची म्हणजेच मुतखड्याची समस्या उद्भवते.
मुतखड्याची लक्षणे-
पोटात अचानक तीव्र वेदना.
लघवी करताना वेदना आणि लघवीत रक्त येणे.
वारंवार शौचास येणे.
भूक न लागणे.
मळमळ आणि उलट्या.
सामान्यपेक्षा जास्त घाम येणे.
ताप येणे.
>कशामुळे होतो मुतखडा?
कुटुंबात या समस्येची पार्श्वभूमी असणे.
शरीरात पाण्याची कमतरता.
जेवणात जास्त प्रमाणात मिठाचे सेवन करणे.
चिकन, गोमांस, मासे आणि डुकराचे मांस यासारखे उच्च प्रथिनयुक्त आहार.
लठ्ठपणा
आतड्यांसंबंधी स्थिती जसे की क्रोहन रोग आणि अल्सरेटिव्ह कोलायटिस.
मूत्रपिंडांवर नकारात्मक परिणाम करणारे औषधे आणि पूरक पदार्थांचे सेवन.
>उपचार पद्धती-
जेव्हा ही समस्या सुरुवातीच्या टप्प्यात आढळते तेव्हा डॉक्टर भरपूर पाणी पिण्याचा सल्ला देतात, ज्यामुळे मूत्रमार्गातून खडा आपोआप निघून जातो.
खड्याच्या स्थितीनुसार तो वितळवण्यासाठी काही औषधे दिली जातात.
काही दुर्मिळ प्रकरणांमध्ये, किडनी स्टोन फोडण्यासाठी ध्वनी लहरींचा वापर केला जातो.
12 मिमी पेक्षा मोठे खडे काढण्यासाठी शस्त्रक्रिया आवश्यक आहे.
>मुतखडा असल्यास काय करावे आणि काय करू नये-
कोल्ड्रिंक्स आणि कॅफिनचे सेवन टाळा.
मांसाहार टाळा.
मिठाचे सेवन कमी करा.
व्हिटॅमिन सी आणि ऑक्सलेट असलेल्या गोष्टींपासून दूर राहा.
चॉकलेट, नट्स, कार्बोनेटेड पेये, दूध आणि दुग्धजन्य पदार्थ यासारखे फॉस्फरसचे प्रमाण जास्त असलेले पदार्थ खाऊ नका.
शक्य तितके द्रव पदार्थ प्या.
संतुलित आहार घ्या.
>मुतखडा किती मोठा होऊ शकतो?
किडनी स्टोन सुरुवातीच्या टप्प्यात खूप छोटे असतात.
त्यांचा आकार गोल्फ बॉलच्या आकारापर्यंत वाढू शकतो.
जेव्हा ते मोठे होतात तेव्हा त्यांचा आकार हरणाच्या शिंगांसारखा होऊ शकतो.
(या लेखात दिलेली माहिती पूर्णपणे सत्य आणि अचूक असेल असा आमचा दावा नाही. सविस्तर व अधिक माहितीसाठी संबंधित क्षेत्रातील तज्ज्ञांचा सल्ला घ्यावा. )
संबंधित बातम्या