Measure Body Weight: वेट लॉस करत असाल तर या वेळी अजिबात मोजू नका शरीराचे वजन, व्हाल कंफ्यूज
What Time is Correct for Measure Body Weight: स्लिम होण्यासाठी तुम्ही व्यायाम आणि डाएटिंग करत असाल तर तुम्ही तुमचे नियमित वजन तपासत असाल. तर या ४ वेळा तुमच्या शरीराचे वजन करू नका. अन्यथा गोंधळ होईल.
Right Time to Check Body Weight for Correct Measure: वजन कमी करण्यास सुरुवात केल्यानंतर जेव्हा आपण वर्कआउट किंवा डाएट फॉलो करतो तेव्हा किती वजन कमी झाले हे जाणून घेण्याची प्रत्येकाला उत्सुकता असते. परंतु शरीराचे वजन मोजण्यासाठी या चार वेळा निवडू नका. या वेळी शरीराचे वजन मोजताना तुम्ही कंफ्यूज होऊ शकता आणि शरीराचे वजन चुकीचे मोजू शकता. चला तर मग जाणून घेऊया कोणत्या वेळी वजन मोजू नये.
वर्कआउटनंतर
व्यायाम किंवा वर्कआउट हा फक्त वजन कमी करण्यासाठी केला जातो. पण व्यायामानंतर लगेच वजन मोजण्याची चूक करू नका. यावेळी शरीरात पाणी अडून राहते. अशा वेळी जेव्हा तुम्ही तुमचे वजन मोजता तेव्हा तुमच्या शरीराचे वजन जास्त असल्याचे तुम्हाला दिसून येईल आणि तुम्ही निराश आणि डिमोटिव्हेट व्हाल. त्यामुळे व्यायामानंतर कधीही वजन मोजू नका.
सकाळी पोट साफ होण्यापूर्वी
जर तुम्ही सकाळी लघवी केली नसेल किंवा फ्रेश झाले नसाल आणि तुम्हाला बद्धकोष्ठता झाल्यासारखे वाटत असेल, तर अशा वेळी तुमचे वजन मोजण्याचा प्रयत्न करू नका. कारण यावेळी तुमचे अन्न नीट पचत नाही. त्यामुळे वजन योग्य होणार नाही.
मद्यपान करून किंवा हेवी जेवण केल्यानंतर
दारू पिऊन किंवा भरपूर जेवण केल्यानंतर शरीराचे वजन मोजू नये. कारण या काळात शरीराचे वजन जास्त मीठ आणि पाण्यामुळे जास्त राहते. त्यामुळे शरीराचे वजन करण्यासाठी ही योग्य वेळ नाही.
नीट झोप झाली नसेल तर
जर तुम्ही रात्री नीट झोपला नसाल तर सकाळी तुमच्या शरीराचे वजन मोजू नका. अशा वेळी शरीराचे वजन वाढलेले दिसून येते, जे स्नायूंना आराम न मिळाल्याने होते.
कधी आहे वजन मोजण्याची योग्य वेळ
- आठवड्यातून एक दिवस सकाळी
- तुम्ही बाथरूममधून परतल्यावर आणि तुमचे पोट रिकामे असताना
- तुम्ही रोज घालता ते सामान्य कपडे घातले असताना
- तुम्हाला रात्री चांगली झोप झाल्यानंतर
या चार वेळी वजन मोजून, शरीराचे वजन अचूकपणे कळते.
(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)
संबंधित बातम्या