मराठी बातम्या  /  लाइफस्टाइल  /  Safe Pregnancy: सुरक्षित प्रेग्नेंसीसाठी काय काळजी घ्यावी? जाणून घ्या तज्ज्ञांचा सल्ला

Safe Pregnancy: सुरक्षित प्रेग्नेंसीसाठी काय काळजी घ्यावी? जाणून घ्या तज्ज्ञांचा सल्ला

Hiral Shriram Gawande HT Marathi
Mar 20, 2024 11:31 PM IST

Pregnancy Tips: गर्भधारणेनंतर प्रसूतीपर्यंत आईला बऱ्याच गोष्टींची काळजी घ्यावी लागते. सुरक्षित गर्भधारणेसाठी कशी काळजी घ्यावी हे जाणून घ्या.

सुरक्षित गर्भधारणेसाठी काळजी घेण्यासाठी टिप्स
सुरक्षित गर्भधारणेसाठी काळजी घेण्यासाठी टिप्स

Tips for Safe Pregnancy: जन्मपूर्व काळजी ही आई आणि बाळ या दोघांच्या आोरग्यासाठी गरजेची आहे. नियमित तपासणी आणि वैद्यकीय मार्गदर्शन कोणतीही गुंतागुंत वेळीच ओळखण्यात आणि ती दूर करण्यात मदत करते, ज्यामुळे आई आणि बाळ या दोघांनाही सुरक्षित राहता येते. प्रसवपूर्व घेण्यात येणाऱ्या काळजीमध्ये योग्य पोषण, व्यायाम आणि मातेच्या एकुण आरोग्याविषयी आवश्यक माहिती मिळवून त्यानुसार महिलांना निरोगी गर्भधारणेसाठी सक्षम करते.खारघर येथील मदरहुड हॉस्पिटलच्या फिटल मेडिसिन एक्सपर्ट डॉ. प्रिया देशपांडे यांनी सुरक्षित गर्भधारणेसाठी काही टिप्स दिल्या आहेत.

गर्भधारणेसंबंधित गुंतागुंत जसे की गर्भधारणेतील मधुमेह, प्रीक्लॅम्पसिया आणि मुदतपूर्व प्रसूती रोखण्यात आणि त्याचे व्यवस्थापन करण्यात प्रसवपूर्व काळजी घेणे महत्त्वाचे ठरते. आरोग्यसेवा व्यावसायिकांच्या नियमित सल्ला घेत गर्भधारणेसंबंधीत समस्यांचे बारकाईने निरीक्षण करून, गर्भवती मातांना काही समस्या उद्भवल्यास वेळीच हस्तक्षेप करता येतो. हा सक्रिय दृष्टीकोन केवळ सकारात्मक परिणामांना प्रोत्साहन देत नाही तर आई आणि बाळ या दोघांसाठीही दीर्घकालीन आरोग्यासंबधीत धोके कमी करण्यास मदत करते. प्रसूतीपूर्व काळजीस प्राधान्य देणे ही संपूर्ण गर्भधारणेदरम्यान आई आणि बाळाची सुरक्षितता निश्चित करते.

गरोदरपणात स्वतःची काळजी घेताना तुमच्या आहारात व्हिटॅमिन सप्लीमेंट्सचा समावेश असावा. फॉलिक अ‍ॅसिड हे सर्वात महत्त्वाचे सप्लिमेंट आहे. तुम्ही बाळाचा विचार सुरु केल्यानंतर ही सप्लीमेंट्स घेण्यास सुरुवात करू शकता. फॉलिक अॅसिड तुम्हाला निरोगी गर्भधारणा होण्यास मदत करेल आणि तुमच्या बाळाला न्यूरल ट्यूब दोष होण्याचा धोका कमी होईल.

सुरक्षित गर्भधारणेसाठी फॉलो करा या आवश्यक टिप्स

- सुरक्षित आणि निरोगी गर्भधारणेसाठी तुम्ही तज्ज्ञांच्या सल्ल्याने नियमित तपासणी करा आणि तुमच्या दिनचर्येत प्रसूतीपूर्व जीवनसत्त्वांचा समावेश करा. जेणेकरुन आई व बाळाला आवश्यक ते सर्व पोषक घटक आहाराच्या माध्यमातून मिळू शकतात. हे जीवनसत्त्वे विशेषत: फॉलिक अॅसिड, काही जन्मजात दोषांचा धोका कमी करण्यास मदत करतात आणि गर्भाच्या विकासास मदत करतात.

- गर्भधारणेदरम्यान संतुलित आहाराचे सेवन अत्यावश्यक आहे. भरपूर फळे, भाज्या आणि तृणधान्याचा आहारात समावेश केल्याने आई आणि बाळ दोघांनाही आवश्यक पोषक घटक मिळू शकतात. भरपूर पाणी प्यावे आणि साखरयुक्त पेयांचे सेवन टाळणे, तसेच हायड्रेटेड राहणे गरजेचे आहे.

- याव्यतिरिक्त पोहणे किंवा चालणे यासारख्या व्यायामाने रक्ताभिसरण सुधारण्यास, तणाव कमी करण्यास आणि गर्भधारणेदरम्यान आरोग्य चांगले राहण्यास मदत होते.

- सुरक्षित गर्भधारणेसाठी अल्कोहोल, तंबाखूचा धूर आणि पर्यावरणीय प्रदूषक यांसारख्या हानिकारक पदार्थांचा संपर्क कमी करणे आवश्यक आहे.

- घरात आणि कामाच्या ठिकाणी चांगले वातावरण तयार केल्याने आई आणि बाळ दोघांच्याही आरोग्याचे रक्षण करता येऊ शकते.

- तुमच्या डॉक्टरांचा सल्ला न घेता कोणतेही ओव्हर-द-काउंटर औषध घेऊ नका. शंका असल्यास संभाव्य गुंतागुंत टाळण्यासाठी आपल्या डॉक्टरांचा सल्ला घ्या.

जन्मपूर्व काळजी घेणे हे आई आणि मूल या दोघांच्याही आरोग्यासाठी आवश्यक आहे. शिवाय, प्रसूतीपूर्व काळजी गर्भवती महिलांना महत्त्वाच्या लसींबद्दल जागरुकता पसरविते जेणेकरुन त्यांच्या बाळाला गंभीर आजारांपासून संरक्षण मिळू शकते. जन्मपूर्व काळजी हे गर्भवती मातांसाठी एक आधार प्रणाली म्हणून कार्य करते. हे बाळंतपणाची तयारी, स्तनपान तंत्र आणि प्रसुतीदरम्यान घ्यावयाची काळजी या विषयी सुज्ञ करते. गर्भधारणेच्या निरोगी प्रवासाला प्रोत्साहन देण्यासाठी प्रसूतीपूर्व काळजी घेणे महत्वाचे आहे आणि हे आई आणि बाळसाठी संभाव्य धोके कमी करतात.

(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)

WhatsApp channel