Weight Loss Tips: रोज सकाळी पाण्यात ‘ही’ गोष्ट टाकून प्या; महिन्याभरात कमी होईल वजन! शरीराला मिळेल ताजेपणा
Weight Loss Tips In Marathi: वजन कमी व्हावे म्हणून लोक अनेक उपाय करून बघतात. काही लोक भूलथापांना बळी पडून औषधं देखील विकत घेतात. अशावेळी त्याचे दुष्परिणा देखील भोगावे लागू शकतात.
Weight Loss Tips In Marathi : सध्या धावपळीच्या काळात खाण्यापिण्याच्या अयोग्य सवयींमुळे अनेकदा वजन वाढू लागते. वजन वाढले की वेगवेगळे आजार जडण्यास सुरुवात होते. अशावेळी वजन कमी व्हावे म्हणून लोक अनेक उपाय करून बघतात. काही लोक भूलथापांना बळी पडून औषधं देखील विकत घेतात. अशावेळी त्याचे दुष्परिणा देखील भोगावे लागू शकतात. आपण काही उपाय देखील वजन कमी करण्यासाठी वापरून बघू शकतो. यासाठी रोज सकाळी तुम्ही जिऱ्याचं पाणी पिऊ शकता.
जिरे हा प्रत्येक स्वयंपाकघरात सहज उपलब्ध होणारा मसाला आहे, जो केवळ पदार्थांची चवच वाढवत नाही तर अनेक आरोग्यदायी फायदेही देतो. पाण्यात जिरे उकळवून ते प्यायल्याने आणखी फायदे होतात. त्यामुळे अनेक लोक आपल्या दिवसाची सुरुवात चहा किंवा कॉफीऐवजी जिऱ्याच्या पाण्याने करतात. विशेषतः वजन कमी करण्यास हे पाणी मदत करते. रोज सकाळी जिऱ्याचे पाणी प्यायल्यास महिनाभरात तुमचे वजन कमी होऊ शकते. यासोबतच त्याचे इतर अनेक फायदे आहेत. चला तर मग, जाणून घेऊया रोज सकाळी जिऱ्याचे पाणी प्यायल्याने कोणते फायदे होतात.
पचनसंस्थेसाठी वरदान
> जिऱ्याचे पाणी आपल्या शरीरातील पाचक एंझाइम सक्रिय करते, ज्यामुळे अन्न सहज पचते.
> जिऱ्याच्या पाण्याने पोट फुगणे, बद्धकोष्ठता आणि ॲसिडिटी यासारख्या समस्यांपासून आराम मिळतो.
> हे आतड्यांमधील चांगल्या बॅक्टेरियाला प्रोत्साहन देते, ज्यामुळे पचनसंस्था निरोगी राहते.
त्वचा आणि केसांसाठी फायदेशीर
> जिऱ्याच्या पाण्यात भरपूर प्रमाणात अँटीऑक्सिडंट असतात, जे त्वचेला फ्री रेडिकल पेशींपासून वाचवतात आणि निरोगी बनवतात.
> हे पाणी प्यायल्याने त्वचेवरील मुरुम, डाग आणि त्वचेच्या इतर समस्या कमी होण्यास मदत होते.
> जिऱ्या पाणी केस मजबूत करते आणि केस गळणे देखील कमी करते.
Breast Size: 'या' ३ आजारांमुळे स्तनांचा आकार होऊ शकतो लहान, तुम्ही तर नाही ना या आजाराचे बळी
इतर आरोग्य फायदे :
> जिऱ्याचे पाणी रोगप्रतिकार शक्ती मजबूत करून रोगांपासून संरक्षण करते.
> हे पाणी शरीरातील विषारी पदार्थ काढून टाकून शरीराला डिटॉक्सिफाय करते.
> जिऱ्याचे पाणी रक्तदाब नियंत्रित ठेवण्यास मदत करते.
> यामुळे तणाव कमी होतो आणि मन शांत राहते.
जिऱ्या पाणी कसे बनवायचे?
जिऱ्याचे पाणी बनवणे खूप सोपे आहे. रात्री एक ग्लास पाण्यात एक चमचा जिरे भिजवून ठेवा आणि सकाळी रिकाम्या पोटी हे पाणी प्या. जर तुम्हाला हवं असेल, तर तुम्ही पाण्यात जिरे उकळूनही पिऊ शकता.
या गोष्टी लक्षात ठेवा!
जिऱ्याच्या पाण्याचे अनेक फायदे असले तरी काही लोकांना त्याची ॲलर्जी असू शकते. त्यामुळे, जर तुम्हाला जिऱ्याची ॲलर्जी असेल, तर त्याचे सेवन करू नका. याशिवाय गरोदर महिला आणि स्तनपान करणाऱ्या महिलांनी जिऱ्याचे पाणी पिण्यापूर्वी डॉक्टरांचा सल्ला अवश्य घ्यावा.
(या लेखात दिलेली माहिती पूर्णपणे सत्य आणि अचूक असेल असा आमचा दावा नाही. सविस्तर व अधिक माहितीसाठी संबंधित क्षेत्रातील तज्ज्ञांचा सल्ला घ्यावा. )
