Weight Loss : वजन कमी करण्यासाठी आता उपाशी राहण्याची गरज नाही, नाश्त्यात खा 'हे' ५ पदार्थ, वेगाने वितळेल चरबी
weight loss in Marathi : न्याहारीमध्ये प्रथिने, निरोगी कर्बोदके, जीवनसत्त्वे आणि खनिजे भरपूर प्रमाणात असणे आवश्यक आहे. यामुळे तुमच्या शरीराला पोषण मिळेल आणि तुम्हाला दिवसभर निरोगी वाटेल.
weight loss breakfast : सकाळचा नाश्ता हा सर्वात महत्वाचा आहार आहे असे म्हटले जाते. कारण, तुम्ही सकाळी जे काही खाता ते तुम्हाला दिवसभर ऊर्जा देते. न्याहारीमध्ये प्रथिने, निरोगी कर्बोदके, जीवनसत्त्वे आणि खनिजे भरपूर प्रमाणात असणे आवश्यक आहे. यामुळे तुमच्या शरीराला पोषण मिळेल आणि तुम्हाला दिवसभर निरोगी वाटेल. परंतु, जेव्हा लोक आहार घेत असतात किंवा वजन कमी करण्याचा प्रयत्न करत असतात, तेव्हा ते काहीही खाण्यापूर्वी कॅलरीजच्या संख्येबद्दल काळजी करू लागतात. त्यामुळे आज आपण त्याबाबतच जाणून घेणार आहोत.
कमी-कॅलरीज असलेला नाश्ता-
काही लोक वजन कमी करण्यासाठी नाश्ता देखील सोडून देतात. पण, असे केल्याने तुम्हाला अशक्तपणा जाणवू शकतो. अशा परिस्थितीत तुम्ही नाश्त्यात हे ५ भारतीय पदार्थ नक्की करून पहा. कमी-कॅलरी असण्याव्यतिरिक्त, ते निरोगी आणि चवदार देखील आहेत.
ढोकळा-
गुजरातचा हा प्रसिद्ध पदार्थ स्वादिष्ट तसेच हलका आणि पोट भरणारा आहे. ढोकळा खाल्ल्यानंतर अनेक तास भूक लागत नाही. ढोकळा हे वाफवलेले आणि आंबवलेले अन्न आहे जे पचन सुधारते आणि आपल्या आतड्यांचे आरोग्य देखील चांगले ठेवते. हे सर्व चयापचय वाढवते आणि वजन कमी करते.
मूग डाळ चिला-
प्रथिनेयुक्त मूग डाळ चीला हा प्रत्येक हंगामासाठी उत्तम नाश्ता आहे. जर तुम्ही वजन नियंत्रित करण्याचा प्रयत्न करत असाल, तर तुम्ही मूग डाळ चीला खावा. नाश्त्यात एक चीला खाल्ल्याने तुम्हाला दीर्घकाळ ऊर्जा मिळते.
भेळ-
कुरमुरे, चणाडाळ, शेंगदाणे आणि कांदा-टोमॅटो यांसारख्या आरोग्यदायी भाज्यांचे मिश्रण असल्याने भेळपुरी हे पदार्थ अतिशय पौष्टिक असतात. त्यात अँटिऑक्सिडंट्स आढळतात आणि खनिजे आणि इतर पोषक घटकांचे प्रमाणही जास्त असते. संध्याकाळचा नाश्ता असो किंवा दुपारच्या जेवणाआधी सकाळची भूक, तुम्ही भेळपुरी खाऊन ती भूक भागवू शकता.
भाजलेले फुटाणे-
हे असे पौष्टिक अन्न आहे जे केवळ लठ्ठपणा कमी करत नाही तर ऊर्जा देखील देते. भाजलेले हरभरे खाल्ल्याने तुम्हाला आहारातील फायबर आणि प्रथिने दोन्हीचे फायदे मिळतात. हरभरा भूक भागवतो आणि वारंवार होणारी भूक टाळतो.
(या लेखात दिलेली माहिती पूर्णपणे सत्य आणि अचूक असेल असा आमचा दावा नाही. सविस्तर व अधिक माहितीसाठी संबंधित क्षेत्रातील तज्ज्ञांचा सल्ला घ्यावा. )
