Viral Video: महिलेचा व्हिडीओ व्हायरल होताच नकाशातून चीन वगळण्याची मागणी, काय आहे प्रकरण?
Viral video of Chinese woman: सध्या सोशल मीडियावर एका चिनी महिलेचा व्हिडीओ व्हायरल होत आहे. ते पाहून नेटकऱ्यांनी संताप व्यक्त केला आहे.
Chinese woman ate live crabs: महाकाय ॲनाकोंडाला पाळीव प्राणी म्हणून ठेवणे असो किंवा प्राणी खाणे असो, विचित्र सवयी असलेल्या लोकांनी जग भरलेले आहे. नुकत्याच एका महिलेने जिवंत खेकड्यांचा आस्वाद घेतल्याच्या व्हिडिओने नेटकऱ्यांचे लक्ष वेधून घेतले आहे. इन्स्टाग्रामवर शेअर करण्यात आलेल्या या व्हिडिओवर अनेक सोशल मीडिया युजर्सनी नाराजी व्यक्त केली आहे. हा व्हिडीओ सोशल मीडियावर येताच व्हायरल होत आहे.
अनेक युजर्सनी लोकांच्या अशा विचित्र खाण्यापिण्याच्या सवयी हे अनेक आजारांच्या प्रादुर्भावाचे मुख्य कारण असल्याचे म्हटले आहे. अशा खाण्यापिण्याच्या सवयींमुळे कोरोनाची उत्पत्ती झाल्याचा दावाही अनेक नेटकऱ्यांनी केला आहे. लोक आपल्यासाठी योग्य असलेले अन्न सोडून काहीतरी वेगळे करण्याच्या नादात काहीही खातात आणि त्यामुळे आरोग्यावर दुष्परिणाम होतात. तसेच विविध घातक आजार उद्भवतात. असे म्हणत लोक नाराजी व्यक्त करत आहेत.
व्हिएतनाम, थायलंड इत्यादी आग्नेय आशियाई देशांमध्ये जिवंत प्राणी खाणे सामान्य आहे. चीनमध्येही ही प्रथा खूप सामान्य आहे. परिणामी अनेक इन्स्टाग्राम युजर्सनी या देशांवर या विचित्र खाण्यापिण्याच्या सवयींमुळे अनेकदा वेगवेगळ्या आजारांचा उद्रेक होतो, अशी टीका केली आहे. शिवाय या लोकांच्या खाण्याच्या सवयीमुळे प्राण्याच्या माध्यमातून नको असलेले घातक पदार्थ मानवी शरीरात जातात आणि त्याचे रूपांतर भयानक रोगांमध्ये होते.
इंस्टाग्राम पोस्टवर कमेंट्सचा वर्षाव-
जिवंत खेकडा खात असलेल्या महिलेचा व्हिडीओ व्हायरल होताच, त्यावर नेटकऱ्यांनी प्रचंड कमेंट्स केल्या आहेत. यामध्ये एका इन्स्टाग्राम युजरने या पोस्टवर लिहिलं आहे की, 'प्लीज नकाशामधून चीनच डिलीट करा'. एकाने लिहलंय 'याच कारणामुळे कोरोनासारखा आजार जगात पसरला होता'. तर दुसऱ्याने लिहलंय "घृणास्पद कृत्य",. आणखी एकाने लिहलंय 'मी जेवत होते, पण हा व्हिडीओ बघून मला उलटी आली'. अशा अनेक कमेंट्स पाहायला मिळत आहेत.
अनेक तज्ज्ञांचा असा विश्वास आहे की, कोविड-19 विषाणू चीनच्या बाजार पेठेतून मानवांमध्ये पसरला आहे. नॅशनल जिओग्राफिकच्या अहवालानुसार, चीनच्या वुहानमधील ओला मार्केट, ज्याला हुआनान सीफूड होलसेल मार्केट म्हणून ओळखले जाते. हे कोव्हीड १९ चे मुख्य स्त्रोत असल्याचे मानले जात होते
ओले बाजार सामान्यत: ओपन-एअर स्टॉल्सचे मोठे संग्रह असतात जे ताजे सीफूड, मांस, फळे आणि भाज्या विकतात. लोक स्वयंपाकासाठी जिवंत समुद्र, मासे, खेकडे आणि इतर समुद्री जीवदेखील खरेदी करू शकतात. काही ओल्या बाजारांमध्ये कोंबड्या, मासे, शेलफिश, खेकडे आदींसह जिवंत जनावरांची विक्री व कत्तलही केली जाते. चीनच्या हुआनान बाजारपेठेत एक विभाग देखील होता जिथे लोक वन्य प्राणी किंवा साप, बीव्हर, आणि अगदी लहान मगरींच्या कत्तल केलेल्या प्रजाती खरेदी करू शकतात.