मराठी बातम्या  /  लाइफस्टाइल  /  Yoga Mantra: दंडावर जमा झाली अतिरिक्त चरबी? या योगासनांनी दूर करा समस्या

Yoga Mantra: दंडावर जमा झाली अतिरिक्त चरबी? या योगासनांनी दूर करा समस्या

Sep 19, 2023 08:17 AM IST

Yoga For Arms: पोटाच्या चरबी प्रमाणेच हातांवर जमा झालेली चरबी देखील तुमचा लूक खरबा करते. ही चरबी काढून टाकण्यासाठी तुम्ही या ३ योगासनांची मदत घेऊ शकता.

उत्कटासन
उत्कटासन (Freepik)

Yoga Asanas For Arm Fat: शरीरातील लठ्ठपणा वाढल्याने हातांवर अतिरिक्त चरबी जमा होऊ लागते. अनेकदा आपण दंडावर जमा झालेल्या चरबीकडे दुर्लक्ष करतो आणि पोटाची चरबी कमी करण्यावर लक्ष केंद्रित करतो. हातांवर चरबी जमा झाल्यामुळे कधी कधी आपल्या आवडीनुसार कपडे घालता येत नाही. या समस्येवर मात करण्यासाठी तुम्ही या योगासनांची मदत घेऊ शकता. यामुळे, संपूर्ण शरीराचे वजन कमी होण्याबरोबरच हाताची चरबी देखील बर्न होते. चला जाणून घेऊया ही योगासने करण्याची पद्धत.

वशिष्ठासन

या आसनात शरीर पूर्णपणे हातांवर बॅलेन्स केलेले असते. हातांचे स्नायू ताणले जातात. त्यामुळे शारीरिक संतुलन राखले जाते. वजन कमी करण्यासोबतच यामुळे मानसिक शांतीही मिळते . या योगासनाला वन आर्म बॅलन्स पोझ आणि साइड प्लँक पोझ असेही म्हणतात. हे नियमित केल्याने हातांवर जमा झालेली चरबी निघते. हे आसन करण्यासाठी चटईवर सरळ उभे राहा. आता तुमच्या दोन्ही पायांमध्ये ८ ते १० इंच अंतर ठेवा. आपले गुडघे सरळ ठेवा. आता दोन्ही हात वर करा आणि दंड सरळ करा. यानंतर दोन्ही तळवे जमिनीवर ठेवा. आता तुमचा उजवा हात हवेत वर करा. यामुळे शरीराचा संपूर्ण भार डाव्या हातावर येऊ लागतो. हे आसन करताना हातांच्या स्नायूंमध्ये ताण जाणवतो. याशिवाय हात-पायांमध्ये ताकद जाणवते.

ट्रेंडिंग न्यूज

भुजंगासन

पोटावर झोपून केलेल्या या आसनाला कोब्रा पोझ असेही म्हणतात. यामध्ये शरीराचा संपूर्ण भार हातांवर राहतो. यामुळे हातांच्या स्नायूंमध्ये तसेच मानेमध्ये ताण जाणवतो. हा योग केल्याने मन शांत राहते. याशिवाय पोटाशी संबंधित समस्यांपासूनही आराम मिळतो. हे केल्याने श्वसनाचा त्रासही दूर होतो. हे आसन करण्यासाठी आपल्या पोटावर झोपा. आता दीर्घ श्वास घ्या आणि दोन्ही हात सरळ करा आणि एकमेकांच्या जवळ ठेवा. तळवे जमिनीवर ठेवा. यानंतर हळूहळू हात मानेजवळ आणा. आता तळवे जमिनीवर ठेऊन हातावर भार द्या आणि डोके व मान वर उचला. ते जेवढे शक्य होईल तेवढे मागे घ्या. पाय सरळ ठेवा.

उत्कटासन

उत्कटासन म्हणजेच चेअर पोझ, जे गुडघे वाकवून केली जाते. असे केल्याने पायांपासून हातापर्यंत शरीराचे सर्व स्नायू मजबूत होतात. हात वरच्या दिशेने ताणल्याने चरबी जाळण्यास सुरुवात होते. हे आसन केल्याने पचनाशी संबंधित समस्या दूर होतात. याशिवाय मन शांत राहते. हे आसन करण्यासाठी चटईवर सरळ उभे राहा. आता गुडघे वाकवा. या दरम्यान दोन्ही पाय आणि तळवे एकमेकांना चिकटवा. यानंतर दोन्ही हात वर करा आणि दोन्ही हात एकत्र जोडा. दंडांमध्ये अंतर राखा आणि पाठ सरळ ठेवा. हे आसन २ ते ३ मिनिटे करा. त्यामुळे पाय दुखण्याची समस्याही दूर होऊ लागते.

(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)

WhatsApp channel