मराठी बातम्या  /  लाइफस्टाइल  /  Period Rashes: पीरियडमध्ये पॅड रॅशेसचा त्रास होतो? आराम देतील या नैसर्गिक पद्धती

Period Rashes: पीरियडमध्ये पॅड रॅशेसचा त्रास होतो? आराम देतील या नैसर्गिक पद्धती

Jul 03, 2023 09:01 PM IST

Periods Care Tips: अनेक महिलांना मासिक पाळी दरम्यान सॅनिटरी पॅडमुळे रॅशेस येतात. तुम्हाला ही समस्या असेल तर आराम मिळवण्यासाठी या नॅचरल पद्धतींचा अवलंब करा.

पीरियड रॅशेससाठी नैसर्गिक उपाय
पीरियड रॅशेससाठी नैसर्गिक उपाय (unsplash)

Natural Remedies For Period Rash: मासिक पाळीत वेगवेगळ्या समस्या, त्रास असतो. या काळात अनेक महिलांना मूड स्विंग होतो, तर काही महिलांना वेदना होतात. याशिवाय काही लोकांना सॅनिटरी पॅड्सचा वापर केल्याने रॅशची समस्याही होऊ लागते. या समस्येमध्ये, प्रत्येकाला खूप अस्वस्थ वाटू लागते. कारण या रॅशेसमुळे तीव्र खाज सुटू लागते. या समस्येपासून सुटका मिळवण्यासाठी तुम्ही काही घरगुती उपाय वापरू शकता.

बर्फ

बर्फ वेदना आणि सूज कमी करण्यास मदत करते. तुम्हाला फक्त दोन बर्फाचे तुकडे घ्यायचे आहेत, ते एका स्वच्छ कपड्यात गुंडाळून प्रभावित भागावर लावायचे आहेत. असे केल्याने मज्जातंतू सुन्न होईल आणि तुम्हाला लगेच बरे वाटेल.

ट्रेंडिंग न्यूज

खोबरेल तेल

खोबरेल तेलामध्ये अँटी-बॅक्टेरियल गुण असतात. अशा परिस्थितीत हे तेल पॅड रॅशसाठी उत्तम उपाय आहे. हे तुमच्या त्वचेला मॉइश्चराइझ देखील करते. ते लावण्यासाठी रात्री झोपण्यापूर्वी प्रभावित भाग थंड पाण्याने स्वच्छ करा आणि कापसाच्या बॉलने प्रभावित भागावर खोबरेल तेल लावा. रात्रभर राहू द्या. तुम्ही सकाळी आंघोळीनंतरही लावू शकता.

बेकिंग पावडर

खाज सुटणे आणि लालसरपणा कमी करण्यासाठी तुम्ही बेकिंग सोडा वापरू शकता. यासाठी दोन चमचे बेकिंग पावडर घ्या आणि एक कप पाण्यात मिक्स करा. ते पुरळांवर लावा आणि ते सुकू द्या. नंतर थंड पाण्याने धुवा. धुतल्यानंतर स्वच्छ टॉवेल किंवा मऊ कापडाने प्रभावित क्षेत्र कोरडे करा.

अॅपल सायडर व्हिनेगर

अॅपल सायडर व्हिनेगर खाज कमी करण्यास मदत करेल. यासाठी तुम्ही थोड्या प्रमाणात अॅपल सायडर व्हिनेगर घ्या आणि त्यात कापसाचा गोळा बुडवून रॅशेसवर लावा. नंतर ते सुकू द्या. तुम्ही हे दिवसातून तीनदा वापरू शकता.

 

काळजी घ्याः प्रभावित एरिया वर साबण, बॉडी वॉश किंवा कोणत्याही प्रकारचे केमिकल प्रोडक्ट जसे लॅक्टो केलमाइन किंवा व्हॅसलिन यांचा वापर करू नका. यातील कोणती पण गोष्ट लावल्याने त्रास होऊ शकतो.

(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)

WhatsApp channel