Hair Colour: केसांना नैसर्गिकरित्या काळे करण्यासोबतच दाट आणि लांब करेल ही पेस्ट, पाहा कशी बनवायची
Hair Care Tips: केस पांढरे होण्यासोबतच तुम्ही कमकुवत आणि गळणाऱ्या केसांमुळे त्रस्त आहात का? केसांना मेहंदी किंवा कलर लावण्याऐवजी ही पेस्ट लावा. काही महिन्यांत फरक दिसून येईल आणि केसांचा पांढरेपणा नाहीसा होईल.
Homemade Natural Hair Colour: केस पांढरे होण्याची समस्या सामान्य आहे. केस पांढरे होण्याच्या भीतीने लोक कमी वयातच रासायनिक कलर वापरतात. त्यामुळे केस तुटणे आणि गळणे सुरू होते. केस पूर्णपणे कमकुवत आणि निर्जीव होऊ लागतात. जर तुम्हाला तुमच्या केसांवरील रसायनांचा प्रभाव कमी करायचा असेल तर कलर किंवा मेहंदी लावण्याऐवजी हे नैसर्गिक होममेड पेस्ट लावा. ज्यामुळे केस पांढरे होणे तर कमी होईलच पण केस दाट आणि मजबूत होतील. चला तर मग जाणून घेऊया केसांसाठी नैसर्गिक हेअर कलर कसा बनवायचा.
नैसर्गिक हेअर कलर कसा बनवायचा
हे हेअर कलर बनवण्यासाठी तुम्हाला आवश्यक आहे -
- दोन चमचे ऑर्गेनिक हळद
- एक चमचा आवळा पावडर
- अर्धा चमचा कॉफी पावडर
- अर्धा चमचा चहापत्ती
- एक चमचा दही
अशा प्रकारे बनवा हेअर कलर
सर्वप्रथम दोन चमचे हळद घेऊन लोखंडी तव्यावर किंवा कढईमध्ये चांगले भाजून घ्या आणि काळे करा. आता ही काळी भाजलेली हळद एका भांड्यात काढा. त्यात एक चमचा आवळा पावडर घाला. तसेच दही घालून अर्धा चमचा कॉफी पावडर मिक्स करा. एक ग्लास पाणी घ्या, त्यात अर्धा चमचा चहापत्ती टाका आणि उकळा. पाणी अर्ध्यावर आल्यावर गॅस बंद करा. चहाचे पाणी गाळून घ्या. आता हे पाणी तयार मिश्रणात घालून ढवळा. चांगले मिक्स करा. शॅम्पूने केस स्वच्छ केल्यानंतर ही पेस्ट मुळांवर आणि शेवटपर्यंत पूर्णपणे लावा. शॉवर कॅपने झाकून सुमारे दोन ते तीन तास राहू द्या. नंतर पाण्याने स्वच्छ करा. हा नैसर्गिक कलर आठवड्यातून दोनदा लावा. फक्त काही वापरानंतर केसांचा रंग नैसर्गिकरित्या काळा होईल आणि केस मजबूत होतील. केस गळणेही कमी होईल.
दही आणि आवळा देईल मजबूती
आवळा आणि दही केस मजबूत करण्यासाठी वापरतात. दही केसांना रेशमी आणि चमकदार बनवते. त्यामुळे आवळा आवश्यक पोषणाची कमतरता पूर्ण करेल. ज्यामुळे केस मजबूत होतील आणि कॉफीच्या मदतीने त्यांना नैसर्गिक रंग मिळेल.
(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)