मराठी बातम्या  /  लाइफस्टाइल  /  Diabetes Control: मधुमेहावर नियंत्रण ठेवण्यासाठी ट्राय करा हे नैसर्गिक उपाय, लवकर जाणवेल फरक

Diabetes Control: मधुमेहावर नियंत्रण ठेवण्यासाठी ट्राय करा हे नैसर्गिक उपाय, लवकर जाणवेल फरक

Sep 19, 2023 06:15 PM IST

Diabetes Care Tips: मधुमेहावर नियंत्रण ठेवण्यासाठी आहार आणि जीवनशैली या दोन्हीमध्ये बदल करणे अत्यंत आवश्यक आहे. तुम्हीही शुगर पेशंट असाल तर हे नैसर्गिक उपाय करून तुम्ही मधुमेह नियंत्रणात ठेवू शकता.

मधुमेहावर नियंत्रण ठेवण्यासाठी नैसर्गिक उपाय
मधुमेहावर नियंत्रण ठेवण्यासाठी नैसर्गिक उपाय (Freepik)

Natural Ways To Control Diabetes: मधुमेह हा एक चयापचय विकार आहे, ज्यामध्ये शरीर एकतर पुरेसे इंसुलिन तयार करत नाही किंवा ते योग्यरित्या वापरण्यात अडचण येते. परिणामी शरीरात इन्सुलिनच्या कमतरतेमुळे, साखरेची पातळी वाढू लागते ज्याचा हळूहळू किडनी, त्वचा, हृदय, डोळे आणि व्यक्तीच्या एकूण आरोग्यावर परिणाम होतो. मधुमेह नियंत्रणात आहार महत्त्वाची भूमिका बजावतो. मधुमेहावर नियंत्रण ठेवण्यासाठी आहार आणि जीवनशैली या दोन्हींमध्ये बदल करणे अत्यंत आवश्यक आहे. तुम्हाला सुद्धा मधुमेह असेल तर या नैसर्गिक उपायांचा अवलंब करून तुम्ही मधुमेह नियंत्रणात ठेवू शकता.

ट्रेंडिंग न्यूज

तणावापासून दूर राहा

तणावाचा थेट परिणाम तुमच्या शुगर लेव्हलवर होतो हे बहुतेकांना माहीत नाही. वास्तविक ग्लुकागन आणि कॉर्टिसॉल नावाचे दोन हार्मोन्स असतात. हे हार्मोन जेव्हा एखाद्या व्यक्तीला तणावग्रस्त वाटते तेव्हा शरीरात तयार होऊ लागतात. त्यामुळे एखाद्या व्यक्तीच्या रक्तातील साखरेची पातळी वाढू शकते. अशा परिस्थितीत नियमित व्यायाम, ध्यान आणि विश्रांती करून तणावाची पातळी कमी करून रक्तातील साखरेची पातळीही नियंत्रणात ठेवता येते.

पुरेशा प्रमाणात पाणी प्या

दिवसभर पुरेसे पाणी प्यायल्याने रक्तातील साखरेचे प्रमाण नियंत्रित राहण्यास मदत होते. वास्तविक पाण्याच्या मदतीने मूत्रपिंड शरीरातील अतिरिक्त साखर लघवीद्वारे काढून टाकते. एका अभ्यासानुसार जे लोक जास्त पाणी पितात त्यांना हायपरग्लायसेमिया होण्याची शक्यता कमी असते.

आवळा

आवळा हाय ब्लड शुगरची पातळी नियंत्रित करण्यास मदत करू शकतो. त्यात क्रोमियम नावाचे खनिज असते, जे कार्बोहायड्रेट्सचे नियमन करते आणि तुमच्या शरीराला इन्सुलिनला अधिक प्रतिसाद देण्यास मदत करते.

व्यायाम

मधुमेह नियंत्रणात ठेवण्यासाठी आपल्या रूटीनमध्ये व्यायामाचा समावेश करा. संशोधनानुसार व्यायाम प्रभावीपणे इंसुलिन असंवेदनशीलतेवर उपचार आणि प्रतिबंध करू शकतो. इंसुलिन संवेदनशीलता सुधारल्याने रक्तातील ग्लुकोजची पातळी कमी होते. तसेच पेशी साखरेचा अधिक चांगल्या प्रकारे वापर करण्यास सक्षम होतात.

 

पुरेशी आणि चांगली झोप

काही वेळा व्यस्त जीवनशैलीमुळे झोपेचे चक्र बिघडल्याने सुद्धा रक्तातील साखरेचे प्रमाण वाढू शकते. खरं तर चांगली झोप न मिळाल्याने शरीरातील कोर्टिसोलची पातळी वाढते. त्यामुळे रक्तातील साखरेची पातळी वाढते आणि टाइप-२ मधुमेह आणि हृदयविकाराचा धोकाही वाढतो.

(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)

WhatsApp channel
विभाग