मराठी बातम्या  /  लाइफस्टाइल  /  Holi 2024: होळीमध्ये रंग आणि पाण्यापासून मोबाईलचे संरक्षण कसे करावे? या टिप्स फॉलो करा

Holi 2024: होळीमध्ये रंग आणि पाण्यापासून मोबाईलचे संरक्षण कसे करावे? या टिप्स फॉलो करा

Tejashree Tanaji Gaikwad HT Marathi
Mar 23, 2024 05:35 PM IST

Protect Phone From Water And Color: रंग आणि पाण्यामुळे लोकांचे फोन अनेकदा खराब होतात. तुमचा मोबाईल ओला होण्यापासून वाचवण्यासाठी या गोष्टी लक्षात ठेवा.

Tips to protect your phone during Holi
Tips to protect your phone during Holi (freepik)

Protect your phone on this Holi: होळीचा सण अवघ्या एका दिवसावर आला आहे. होळीचा सण असा आहे की रंगांची मजा खेळायला सगळ्यांनाच आवडते. होळीच्या दिवशी रंग, भांग आणि नाच-गाणी यांच्या गमतीजमतीत लोक मोबाईलची काळजी घ्यायला विसरतात. काही लोक होळीच्या सणात इतके मग्न होतात की त्यांना ना त्यांच्या फोनची काळजी असते ना इतर मौल्यवान वस्तूंची. फोनवर पाणी आणि रंग येतो. होळीच्या दिवशी फोन ओले किंवा खराब झाल्याच्या गोष्टी आपण दरवर्षी ऐकतो. जर तुम्हाला तुमचा फोन सुरक्षित ठेवायचा असेल, तर आम्ही तुम्हाला काही टिप्स सांगत आहोत. यामुळे, तुम्ही होळीच्या सणाचा पुरेपूर आनंद घेऊ शकाल आणि तुमचा फोन खराब होण्याची चिंता करण्याची गरज नाही.

या टिप्स फॉलो करा

> होळीच्या दिवशी कधी आणि कुठे कोण तुम्हाला भिजवेल हे तुम्हाला समजणार नाही. त्यामुळे होळीच्या दिवशी तुमचा फोन बाजारात उपलब्ध असलेल्या वॉटरप्रूफ कव्हरमध्ये ठेवा.

> तुमचे हात रंग आणि पाण्याने ओले झाले आहेत. अशा वेळी हात कोरडे केल्यानंतरच फोन वापरणे महत्त्वाचे आहे.

Holi 2024: आपण होळी का साजरी करतो? जाणून घ्या रंगांच्या सणाचा इतिहास आणि महत्त्व!

> फोन सोबत घेऊन जाताना होळी खेळायची असेल तर त्यासाठी वॉटरप्रूफ पाउच किंवा बॅग वापरा. जर तुम्हाला हवे असेल तर तुम्ही पॉलीथीनमध्येही फोन बॅगमध्ये ठेवू शकता.

> जर तुम्ही रंग आणि पाण्याने पूर्णपणे भिजलेले असाल. तुमचे डोके ओले असेल तर फोन कानाला लावून बोलू नका. स्पीकरवर बोला.

> होळीच्या दिवशी बोलण्यासाठी इअरफोन किंवा ब्लूटूथ वापरा. हे मोबाईल फोन घसरण्यापासून किंवा ओले होण्यापासून आणि रंगाचे संरक्षण करेल.

Holi 2024: होळीच्या सुट्टीला दिल्ली, मुंबई, कोलकाता आणि बेंगळुरूजवळील या ठिकाणांना भेट द्या!

> फोनमध्ये पाणी आल्यास कोणाला फोन करू नका किंवा कोणाचा फोन उचलू नका. यामुळे फोनमध्ये स्पार्किंग होऊ शकते. ताबडतोब फोन बंद करा आणि कोरड्या कापडाने पुसून टाका.

(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)

विभाग