Monsoon Care: पावसाळ्यात घराचे छत गळतय, फनिर्चरला बुरशी येतेय? वाचा कशी घ्यावी काळजी

घरात पाणी गोठू लागते, सूर्यप्रकाशाअभावी ओलसरपणा येतो, लाकडी फर्निचर खराब होऊ लागते, छप्पर गळण्याची समस्या निर्माण होते. यासोबतच विजेशी संबंधित समस्या, कीटकांची दहशत अशा अनेक गोष्टींचा सामना करावा लागतो. अशावेळी पावसाळा येण्यापूर्वीच कशी काळजी घ्यायची हे आम्ही तुम्हाला आज सांगणार आहोत. त्यामुळे जाणून घ्या पावसाळा सुरु होण्यापूर्वी कशी घ्यावी घराची काळजी...

वॉटरप्रूफिंगचे काम करून घ्या

छतावरून टपकणारे पाणी ही पावसाळ्यातील सर्वात मोठी समस्या आहे. घराच्या भिंतीला किंवा छताला तडे गेल्याने पावसाचे पाणी त्यांमध्ये जाते. त्यामुळे भिंती ओलसर दिसू लागतात. सतत पाऊस पडतो आणि ओलसर झालेल्या भिंतीमुळे घरात एक वेगळाच वास येऊ लागतो. तसेच भिंतीवरील फर्निचर, पेंटिंग्ज खराब होऊ लागतात. या समस्येपासून सुटका मिळवण्यासाठी पावसाळ्यापूर्वी घराच्या भिंती आणि छताच्या भेगांवर वॉटरप्रूफिंगचे काम करून घ्या.
Maharashtra Krishi Din Wishes: महाराष्ट्र कृषी दिनाच्या शुभेच्छा द्यायच्यात? दिग्गज नेत्यांच्या खास पोस्ट नक्की पाहा

फर्निचरवर वार्निशचा लेप लावा

पावसाळ्यात लाकडी फर्निचर खराब होण्याची समस्या होत असते. पाणी पडताच लाकडी फर्निचरचा रंग खराब दिसू लागतो. पावसाळ्यात आपल्या लाकडी फर्निचरचे नुकसान होऊ नये, यासाठी त्यांची विशेष देखभाल करणे गरजेचे आहे. यासाठी दररोज फर्निचर व्हॅक्यूम क्लीनरने साफ करण्याचा प्रयत्न करा. यामुळे धूळ आणि माती निघून जाते. तसेच अतिरिक्त ओलावा वाळवण्याचे काम करते, जेणेकरून फर्निचर खराब होणार नाही. अधिक सुरक्षिततेसाठी पावसाळ्यापूर्वी लाकडी फर्निचरवर वार्निशचा लेप लावणे फायदेशीर ठरते.
वाचा: किचन गार्डनमध्ये असलेल्या रोपांना द्या घरगुती खत, पावसाळ्यात येतील चांगली फळे

घरात स्वच्छता ठेवा

पावसाळ्यातील एक मोठी समस्या म्हणजे घाण. स्वच्छतेची नीट काळजी घेतली नाही तर घरात विचित्र दुर्गंधी येऊ लागते. घरातील फरशी, गालिचे वगैरेही लवकर घाण होतात. या ऋतूत स्वच्छतेची चांगली काळजी घेणे गरजेचे आहे. घरात पसरलेला गालिचा आणि फरशी ओलाव्यापासून वाचवण्यासाठी व्हॅक्यूम क्लीनरने नियमित स्वच्छ करावे.
वाचा: पावसाळ्यात त्रास देऊ शकतात त्वचेच्या आणि केसांच्या समस्या, या उपायांनी मिळेल आराम