मराठी बातम्या  /  लाइफस्टाइल  /  Weight Gain: हिवाळ्यात वजन वाढतंय? टेन्शन घेऊ नका! 'या' सोप्या टिप्सनी लठ्ठपणावर नियंत्रण ठेवा

Weight Gain: हिवाळ्यात वजन वाढतंय? टेन्शन घेऊ नका! 'या' सोप्या टिप्सनी लठ्ठपणावर नियंत्रण ठेवा

Hiral Shriram Gawande HT Marathi
Jan 18, 2024 05:10 PM IST

Weight Loss: जर तुम्ही हिवाळ्यात लठ्ठपणामुळे त्रस्त असाल आणि ते नियंत्रणात ठेवण्यासाठी उपाय शोधत असाल तर हे वाचा. या टिप्स फॉलो करून तुम्ही वजन नियंत्रणात ठेवू शकता.

हिवाळ्यात वजन नियंत्रणात ठेवण्यासाठी टिप्स
हिवाळ्यात वजन नियंत्रणात ठेवण्यासाठी टिप्स (unsplash)

Weight Gain in Winter: हिवाळ्यात लोक अनेकदा तक्रार करतात की त्यांचे वजन सतत वाढत आहे. मात्र वजन वाढण्यास अनेक कारणे जबाबदार असू शकतात. परंतु सर्वात मोठे कारण म्हणजे एखाद्या व्यक्तीचे चयापचय मंदावणे हे आहे. जर तुम्ही हिवाळ्यात या समस्येने त्रस्त असाल तर या टिप्स जाणून घ्या. हे हिवाळ्यात तुमचे वजन नियंत्रणात ठेवण्यासाठी मदत करतील.

हिवाळ्यात का वाढते वजन?

हिवाळ्यात व्यक्तीचे चयापचय खूप मंद होते. पण या ऋतूत शरीरातील उष्णता टिकवण्यासाठी व्यक्ती जास्त कॅलरीज घेते. जास्त काळ जास्त कॅलरी असलेले अन्न खाल्ल्याने व्यक्तीचे वजन झपाट्याने वाढू लागते.

हिवाळ्यात वेट लॉससाठी करा हे उपाय

भरपूर पाणी प्या

व्यक्तीला निरोगी राहण्यासाठी दिवसातून किमान दोन ते तीन लिटर पाणी पिण्याचा सल्ला आरोग्य तज्ज्ञ देतात. थंडीमुळे पाणी पिणे टाळत असाल तर कोमट पाणी प्या.

गरम पदार्थ खा

गरम पाणी पिण्याव्यतिरिक्त तुम्ही स्वत: ला उबदार ठेवण्यासाठी कांजी, हळदीचे दूध, काश्मिरी कहवा, सूप, शोरबा, हर्बल टी यांसारखे पेय घेऊ शकता. या सर्व गोष्टी केवळ वजन कमी करण्यास मदत करत नाही तर शरीराला आतून उबदार ठेवण्यास देखील मदत करतील.

व्यायाम करा

अनेक वेळा थंडीमुळे लोक व्यायाम करण्यात आळशी होतात. पण तज्ञ सांगतात की जर तुम्हाला जिममध्ये जाऊन व्यायाम करायचा नसेल, तर एरोबिक्स, झुंबा यांसारख्या इनडोअर अॅक्टिव्हिटीजला घरीच तुमच्या रुटीनचा भाग बनवा.

चांगलं खा

हलवा, लाडू यांसारख्या गोष्टी हिवाळ्यात भरपूर खाल्ल्या जातात. असे नाही की हे खाऊ नये. पण त्याच्या प्रमाणावर नियंत्रण ठेवले पाहिजे. वजन नियंत्रित ठेवण्यासाठी तुम्ही या ऋतूत मिळणाऱ्या हिरव्या भाज्यांकडेही लक्ष दिले पाहिजे. हिरव्या भाज्या शरीराला डिटॉक्स करून वजन नियंत्रित ठेवण्यास मदत करतात.

 

हिवाळ्यातील उन चुकवू नका

जर तुम्हाला वजन कमी करायचे असेल तर हिवाळ्यातील उन्हात नक्की बसा. कारण डी जीवनसत्त्वाच्या कमतरतेमुळे शरीरातील चयापचय क्रिया मंदावते. त्यामुळे वेट लॉस जर्नी कठीण होऊ शकते. म्हणूनच हिवाळ्याच्या हंगामात अगदी थोड्या वेळासाठी का होईना पण सन बाथचा म्हणजे उन्हात बसण्याचा आनंद घ्या.

(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)

WhatsApp channel