Cooking Oil: 'या' कुकिंग ऑइलमुळे वाढतोय आतड्यांच्या कॅन्सरचा धोका, तुम्हीही वापरत असाल तर व्हा सावध

या स्वयंपाकाच्या तेलामुळे होतोय आतड्याचा कर्करोग-

संशोधनानुसार, सूर्यफूल, कॉर्न, द्राक्ष आणि कॅनोलाच्या बियापासून बनवलेले तेल सेवन केल्याने कोलन कॅन्सरचा धोका वाढतो. यातून जळजळ होण्याचे रोग होतात. हे तेल शरीराला ट्यूमरशी लढण्यासाठी कमकुवत बनवते. या प्रकारच्या तेलाचा वापर प्रक्रिया केलेले पदार्थ बनवण्यासाठी केला जात आहे. त्यामुळे प्रक्रिया केलेले अन्नही आतड्याच्या कर्करोगाचे कारण मानले जात आहे.

येथे केले संशोधन-

अमेरिकेच्या युनिव्हर्सिटी ऑफ साउथ फ्लोरिडामधील तज्ज्ञांनी कोलन कॅन्सरवर संशोधन केले आहे. जे मंगळवारी जर्नल गटमध्ये प्रकाशित झाले. या संशोधनात 30 ते 85 वयोगटातील एकूण 80 जणांचा समावेश करण्यात आला होता. ज्यामध्ये या लोकांच्या ट्यूमरमध्ये बायोएक्टिव्ह लिपिड्सची पातळी जास्त असल्याचे समोर आले होते. अशा प्रकारचे ऑइल लिपिड ट्यूमरला प्रोत्साहन देतात आणि कर्करोगाशी लढण्याच्या शरीराच्या क्षमतेवर परिणाम करतात. संशोधनाच्या आकडेवारीनुसार, एक अमेरिकन तरुण वर्षभर सरासरी 100 पौंड बियांचे तेल वापरतो.

Lung Infection: शरीरात दिसत असतील 'ही' लक्षणे, तर व्हा सावध, फुफ्फुसांमध्ये इन्फेक्शनचे आहेत संकेत

सध्या कर्करोग आणि हृदयविकाराशी संबंधित एका अमेरिकन संस्थेने म्हटले आहे की या तेलाच्या सेवनामुळे कोलन कर्करोग होत असल्याची पुष्टी करणारा कोणताही पुरावा नाही. मात्र या स्वयंपाकाच्या तेलाच्या सेवनामुळे जळजळ होण्याची समस्या निर्माण होत असल्याचे स्पष्ट झाले आहे.

(या लेखात दिलेली माहिती पूर्णपणे सत्य आणि अचूक असेल असा आमचा दावा नाही. सविस्तर व अधिक माहितीसाठी संबंधित क्षेत्रातील तज्ज्ञांचा सल्ला घ्यावा. )