Parenting Tips: पालकांनी केलेल्या या गोष्टींमुळे कमी होतो मुलांचा आत्मविश्वास, तुम्ही तर करत नाही ना या चुका?
Effects of Teasing on Kids: पालक अनेक वेळा कळत नकळत अशा करतात ज्यामुळे मुलांचा आत्मविश्वास कमी होतो. पालकांनी मुलांचे संगोपन करताना या चुका करू नये.
Effects of Teasing on Kids: मुलांना जीवनात यशस्वी बनवायचे असेल तर त्यांचा आत्मविश्वास लहानपणीच वाढवणे आवश्यक आहे. आपल्या मुलाने पूर्ण आत्मविश्वासाने जीवनातील प्रत्येक आव्हानावर मात करावी आणि यशाचा मार्ग निवडावा अशी सर्व पालकांची इच्छा असते. त्यासाठी ते मुलासोबत स्वतःही मेहनत घेतात. असे असूनही अनेक वेळा कळत नकळत पालक अशा गोष्टी बोलतात ज्यामुळे त्यांचा आत्मविश्वास वाढण्याऐवजी कमी होतो. जाणून घ्या अशा कोणत्या चुका आहेत ज्या पालकांनी टाळल्या पाहिजे.
पालकांच्या या चुकांमुळे मुलांचा आत्मविश्वास कमी होतो
शारीरिक रचना
मुलं सर्वात जास्त त्यांच्या पालकांसोबत कंफर्टेबल फील करतात. यामुळेच गमतीत सांगितलेल्या गोष्टी त्याला सहजासहजी वाईट वाटत नाहीत. पण जेव्हा पालक पुन्हा पुन्हा मुलाला त्याच्या मित्रांसमोर किंवा लोकांसमोर त्याचा रंग, वजन, उंची किंवा शारिरीक दिसण्याबद्दल नकारात्मक कमेंट करत राहतात तेव्हा त्याचा आत्मविश्वास कमी होऊ लागतो.
अभ्यासासाठी टोमणे
आपल्या मुलांना त्यांच्या अभ्यासाबद्दल टोमणे मारणारे पालक हे विसरतात की असे केल्याने त्यांच्या मुलांचे मनोबल खचू शकते. वर्गात चांगली कामगिरी करणाऱ्या इतरांशी तुमच्या मुलाची तुलना करणे किंवा त्यांना रागवणे हे त्यांना निराश करून त्यांच्या प्रगतीमध्ये अडथळा आणू शकते. लक्षात ठेवा प्रत्येक मुलाची स्वतःची वेगळी अशी ताकद आणि कमजोरी असतात.
भावनिक होण्यासाठी टोमणे मारणे
तुम्ही तुमच्या रडणाऱ्या मुलालाही अनेकदा टोमणे मारले असतील की मुली रडतात, मुलगा असून तू मुलीसारखे का रडतो? पालकांनी मुलांसमोर असे बोलणे टाळावे. तुमच्या मुलासमोर अशा गोष्टी बोलून तुम्ही फक्त मुलींना कमी लेखत नाही तर लहान वयातच लैंगिक रूढींना बळकटी देत आहात. लिंग काहीही असले तरी मुलांना त्यांच्या भावना व्यक्त करण्याचे, रडण्याचे, उपहासाची भीती न बाळगता स्वतःसाठी निर्णय घेण्याचे स्वातंत्र्य द्या.
खाण्याबद्दल टोमणे
आपले मूल लठ्ठ होईल या भीतीने बरेच पालक आपल्या मुलांना खाता खाता टोकतात. पण मुलं दिवसभर खेळत राहतात आणि उड्या मारतात. त्यामुळे त्यांना पुन्हा पुन्हा भूक लागते. जर मुलाला काही खायचे असेल तर त्याला टोकण्याऐवजी त्याला दूध, नट्स, फळे इत्यादी सकस आहार द्या. तुमच्या मुलाच्या लठ्ठपणासाठी डॉक्टरांचा सल्ला घ्या. पण त्याच्या लठ्ठपणाबद्दल त्यांना वारंवार टोमणे मारल्याने तिचा आंतरिक आत्मविश्वास कमकुवत होईल.
विरुद्ध लिंगाशी मैत्री केल्यावर खिल्ली उडवणे
पालकांनी हे समजून घेतले पाहिजे की आपल्या मुलाची विरुद्ध लिंगाशी मैत्री म्हणजे त्यांची खिल्ली उडवण्याची आणि चेष्टेचा विषय नाही. मुलाला त्याच्या आवडीचे मित्र बनवण्यासाठी चिडवणे आणि त्याची चेष्टा करणे हे कालांतराने एकाकीपणा आणि एकटेपणाच्या भावनांना कारणीभूत ठरू शकते.
(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)
