Chaas Recipe: उन्हाळ्यातही थंड ठेवेल काठियावाडी तडका ताक, नोट करा समर स्पेशल रेसिपी
Summer Special Recipe: या ताकाची चव खास बनवते ते म्हणजे त्यात वापरण्यात येणारा तडका. काठियावाडी तडका ताक ही गुजरातची एक प्रसिद्ध रेसिपी आहे, जी सहसा उन्हाळ्यात जेवणासोबत दिली जाते.
Kathiyawadi Takda Chaas Recipe: उष्णतेपासून आराम मिळवण्यासाठी तुम्ही आजपर्यंत अनेक प्रकारचे समर ड्रिंक्स घेतले असतील. या पेयांमध्ये ताक देखील समाविष्ट केले जाऊ शकते. पण आज आम्ही तुमच्यासोबत जी ताकाची रेसिपी शेअर करणार आहोत ती इतर ताकाच्या रेसिपींपेक्षा पूर्णपणे वेगळी तर आहेत पण चविष्ट देखील आहे. होय, या रेसिपीचे नाव आहे काठियावाडी तडका ताक. काठियावाडी तडका ताक देखील इतर ताकाच्या रेसिपीप्रमाणे दहीपासून तयार केले जाते. पण या ताकाची चव खास बनवते ती म्हणजे त्यात लावलेला तडका. काठियावाडी तडका ताक ही गुजरातची एक प्रसिद्ध रेसिपी आहे, जी सहसा उन्हाळ्यात जेवणासोबत दिली जाते. तुम्ही सुद्धा ही रेसिपी घरीच सहज बनवू शकता. चला तर मग जाणून घेऊया काठियावाडी तडका ताक कसे बनवावे.
काठियावाडी तडका ताक बनवण्यासाठी साहित्य
ताकासाठी-
- १ कप थंड साधे दही
- १ टेबलस्पून बारीक चिरलेली कोथिंबीर
- १/२ टीस्पून भाजलेले जिरे पावडर
- १/२ टीस्पून काळे मीठ
- १/२ टीस्पून मीठ
- १/२ टीस्पून सुंठ पावडर
- १/२ टीस्पून काळी मिरी पावडर
- ३ कप थंड पाणी
तडक्यासाठी
- १ टेबलस्पून तूप
- १/२ टीस्पून जिरे पावडर
- १ टीस्पून चिरलेली हिरवी मिरची
- १०-१२ कढीपत्ता
काठियावाडी तडका ताक बनवण्याची पद्धत
काठियावाडी तडका ताक बनवण्यासाठी प्रथम एका मध्यम आकाराच्या भांड्यात दही टाका आणि ते गुळगुळीत आणि मलईदार होईपर्यंत फेटून घ्या. यानंतर भांड्यात कोथिंबीर, जिरे पावडर, काळे मीठ, साधे मीठ, सुंठ पावडर, काळी मिरी पावडर आणि पाणी घालून सर्व काही चांगले मिक्स करा.
ताकामध्ये तडका देण्यासाठी
ताकाला तडका देण्यासाठी प्रथम एक पॅन मध्यम आचेवर ठेवा. यानंतर कढईत तूप गरम करा. तूप गरम झाल्यावर त्यात जिरे पूड, हिरवी मिरची आणि कढीपत्ता घालून ४-५ सेकंद तडतडू द्या. हे तयार केलेला तडका ताकावर घाला आणि चांगले मिक्स करा. ताक सर्व्ह करण्यापूर्वी ताकाच्या ग्लासमध्ये बर्फाचे तुकडे घाला आणि थंडगार सर्व्ह करा.
