मराठी बातम्या  /  लाइफस्टाइल  /  Bael Juice Side Effects: या लोकांनी चुकूनही पिऊ नये बेल फळाचे ज्यूस, हे होतात दुष्परिणाम

Bael Juice Side Effects: या लोकांनी चुकूनही पिऊ नये बेल फळाचे ज्यूस, हे होतात दुष्परिणाम

Hiral Shriram Gawande HT Marathi
May 09, 2024 02:05 PM IST

Summer Health Care Tips: उन्हाळ्यात आरोग्यासाठी फायदेशीर असूनही काही लोकांनी बेल फळाचे ज्यूस पिणे टाळावे. बेल फळाचे ज्यूस प्यायल्याने त्यांच्या आरोग्याला फायद्याऐवजी नुकसान होऊ शकते.

Bael Juice Side Effects: या लोकांनी चुकूनही पिऊ नये बेल फळाचे ज्यूस, हे होतात दुष्परिणाम
Bael Juice Side Effects: या लोकांनी चुकूनही पिऊ नये बेल फळाचे ज्यूस, हे होतात दुष्परिणाम (freepik)

Side Effects of Bael Juice: उन्हाळ्यात लोकांना त्यांच्या आहारात अशा गोष्टींचा समावेश करणे आवडते जे शरीराला थंड ठेवताना उष्माघात आणि उष्णतेपासून बचाव करतात. अशा गोष्टींमध्ये बेल शरबत देखील समाविष्ट आहे. बेल फळामध्ये टॅनिन, कॅल्शियम, फॉस्फरस, रिबोफ्लेविन, व्हिटॅमिन सी, फायबर, प्रथिने, लोह इत्यादी खनिजे मुबलक प्रमाणात असतात. जे आरोग्यासाठी वरदानापेक्षा कमी मानले जात नाही. उन्हाळ्यात आरोग्यासाठी इतके फायदेशीर असूनही काही लोकांनी बेल फळाचे ज्यूस पिणे टाळावे. हे ज्यूस प्यायल्याने त्यांच्या आरोग्याला फायद्याऐवजी नुकसान होऊ शकते. कसे ते जाणून घेऊया.

ट्रेंडिंग न्यूज

या लोकांनी जास्त पिऊ नये बेल फळाचे ज्यूस

मधुमेही रुग्ण

केवळ आर्टिफिशियल शुगरच नाही तर नैसर्गिक साखरही मधुमेहाच्या रुग्णांसाठी हानिकारक असते. बेल फळाच्या ज्यूसचे जास्त सेवन केल्याने मधुमेहाच्या रुग्णांच्या समस्या वाढू शकतात. बाजारात उपलब्ध बेल सिरप तयार करण्यासाठी मोठ्या प्रमाणात साखर वापरली जाते. ज्यामुळे मधुमेहाच्या रुग्णांची साखरेची पातळी वाढू शकते.

थायरॉईड

वैद्यकीय क्षेत्रात केलेल्या अनेक संशोधनातून असे दिसून आले आहे की बेल फळामध्ये आढळणारे संयुगे थायरॉईड औषधांचा प्रभाव कमी करतात. म्हणून जे थायरॉईडचे औषधे घेत आहेत त्यांनी बेल फळाचे ज्यूस टाळणे चांगले आहे.

बद्धकोष्ठतेची समस्या

साधारणपणे बेल फळाचे ज्यूस पचन आणि पोटासाठी चांगला मानला जातो. उन्हाळ्यात पोट थंड करण्यासाठी बेलाचे ज्यूस पिण्याचा सल्ला दिला जातो. पण बेल फळाच्या ज्यूसचे जास्त सेवन केल्याने पोटाशी संबंधित अनेक समस्या उद्भवू शकतात. असे केल्याने व्यक्तीला अपचन, पोटदुखी, सूज, पोट फुगणे, बद्धकोष्ठता आणि आमांश यांसारख्या समस्यांना सामोरे जावे लागू शकते. एका वेळी एक ग्लासपेक्षा जास्त ज्यूस पिऊ नये.

उच्च रक्तदाब

उच्च रक्तदाबाच्या समस्येने त्रस्त असलेल्यांनी सुद्धा बेल फळाचे ज्यूस खूप विचारपूर्वक प्यावा. जर तुम्ही आधीच बीपीचे औषध घेत असाल तर तुम्ही बेल फळाचे ज्यूस पिणे टाळावे.

किडनी स्टोन

जर तुम्हाला आधीच किडनी स्टोनचा त्रास होत असेल तर बेल फळाचे ज्यूस पिणे टाळा किंवा कमी प्रमाणात प्या. कारण बेलमध्ये कॅल्शियम मुबलक प्रमाणात आढळते, ज्यामुळे किडनी स्टोनची समस्या आणखी वाढू शकते.

(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)

WhatsApp channel